近年大熱嘅韓妝,都有一個共通點, 就係輕盈貼薄, 細緻無瑕又透亮, 似有若無嘅裸妝. 作為帶動亞洲潮流嘅日本, 當然唔會落後於人,唔少品牌亦致力打造輕透妝容. 一早洞悉先機嘅RMK, 以紐約最前線嘅美容彩妝潮流為基調, 用「化妝唔係遮蓋素肌嘅缺點，而係用來突出本身完美嘅一面。」為理念,自1997年推出妝品以嚟, 就推翻厚重底妝概念，掀起左[精密計算, 妝容自然]嘅潮流. RMK嘅Liquid Foundation同Make up Base經常係搶購嘅熱賣之選, 一直係No.1嘅皇牌產品. 多得U Beauty嘅會員專享活動, 今次就有機會試用升級版妝前底霜 Creamy Polished Base N+蜜粉 Translucent Face Powder. 近日皮膚狀態有改善, 一於就用呢兩款產品打造無瑕滑溜通透肌! 先做好基本保養, 皮膚問題唔算嚴重, 有少量痘印, 加粗大毛孔 用上升級版妝前底霜 Creamy Polished Base N 一共有5色, 我用嘅係02自然色, 有SPF14 PA++, 對抗紫外線 GEL CREAM 狀質地, 宜印開(非推開), 手背變得明亮, 可以見到有珠光閃爍效果 糅合3種不同形狀嘅具彈性半透明球形粉粒, 可以修飾毛孔及皮膚凹凸問題，打造透明妝感, 賦予輕量遮瑕度, 同時提升保濕度, 令底妝更持久, 先塗一邊面睇下 痘印被修飾左, 毛孔睇落細左, 非常自然輕透, 貼薄到好似搽CREAM而唔係妝前底霜 搽埋另外一邊面 皮膚感覺保濕, 變得滑溜, 透明感大升 再用上 Translucent Face Powder蜜粉, 提高底妝嘅貼服度 同Creamy Polished Base N配對嘅02色, 大大盒, 內附粉卜, 非常柔軟 有貼紙封住防漏, 撕走佢先~ 唔使擔心, 有開關功能架 質地輕盈, 仿如無物咁輕, 顏色好配 W Snow Leaf Powder技術混合結晶狀及片板狀粒子，令底妝持久透亮。加入20種氨基酸 & 珍珠精華，加強同肌膚嘅親和性及水潤功效，掃上後好快就同肌膚融合。另外Acrylic Powder水晶粉填補凹凸位及毛孔，以柔焦效果反射光線令掩飾瑕疵，形成光滑肌面。 以粉卜沾上適量Translucent Face Powder 全面印開 妝感透亮無瑕, 通透貼薄, 肌膚變得柔滑細緻, 粉嫩感大增! 一向最愛自然妝容嘅我, 個人嚟講非常鍾意如此輕透嘅無瑕妝容, 只靠兩款產品就可以擁有. 搶購嘅熱賣No.1嘅皇牌產品, 睇嚟又多左個粉絲啦~~
