放假好鍾意行百貨公司，因為每次都會發現好多好吸引嘅產品同優惠。臨近聖誕，今次發現咗一啲好抵嘅聖誕服飾同埋優惠同大家分享下，仲有個幾星期就到聖誕節，快啲把握籌備一下喇。行到聖誕服飾區，發現咗一款小朋友嘅冬日米奇聖誕披肩，款色好靚好有氣氛，分別有100cm-130cm，3歲至9歲都著到。依家仲做緊均一價$70，真係好抵。 另外仲有一款聖誕背心裙仔，之前幾年聖誕都唔凍，著唔到厚褸，今年唔知會唔會凍呢？不過背心裙就咩天氣都著到啦，價錢都係$100。 隔離一行擺咗好多米奇系列嘅披肩外套，除咗米奇，仲有Donald、Olaf、勞蘇、巴斯光年，小朋友著住一定好開心，全部都係 $99.9就買到喇。 最吸睛係Donald背心仔連帽，2-3歲嘅小朋友著起一定超可愛，原價係$299，依家減到$139咋，仲有勞蘇款添。呢個冬天買黎著可以影多張靚相。 今年聖誕無得入迪士尼買聖誕衫，好彩喺AEON都搵到咁多靚嘅款式。大個啲嘅小朋友都有啱嘅衫，行過少少見到有近年好hit嘅角落生物聖誕版衛衣。湖水藍色好有聖誕氣氛，過咗聖誕節都著得。 之後去咗睇聖誕樹裝飾，如果無時間佈置，都有好多現成已經佈置好嘅嘅聖誕樹。雖然好方便，不過睇咗幾款顏色配搭都唔係好啱心水，後來睇中咗一棵有LED燈圍住嘅聖誕樹，插USB線就著燈，簡簡單單，夜晚睇會好靚。依家做緊75折再9折，折咗只係$87咋，即刻搬咗一棵返屋企，細細棵又唔阻地方。 如果都想自己裝飾聖誕樹，都可以去揀返啲聖誕波波同彩帶，living plaza $12店嗰邊有好多蝴蝶結同星星掛飾。今年疫情關係要減少外出，喺屋企睇住棵靚靚聖誕樹人都會開心啲。喺呢到預祝大家：聖誕快樂，有個溫馨浪漫嘅聖誕。
