今日約左朋友係黃大仙交收，交收完就順便食個晏🤔好少去呢邊，大家都無乜idea就碌下Openrice，見到有間台式餐廳既飲品好夢幻就去試. 餐廳上菜速度真係好慢，我見隔離枱都吹左幾次，如果時間唔多既真係唔好食呢間，客飯套餐只可以選擇佢指定既飲品，係無得加錢轉其他飲品，如果我想飲其他係需要額外再點🙃. 台南三杯雞 $82九層塔味道太搶，雞無乜味雞肉有小小鞋，我同朋友各自食左一舊後就無再食，滷肉飯味道就正常. 蕃茄牛肉麵 $88牛肉夠腍，但係食唔到蕃茄味，整體味道比較淡，食左幾啖後都已經唔想食. 嘆嘆拼盤 (大) $128拼盤有甜不辣，台灣腸同鹽酥雞。佢餐牌上有大細份選擇，本身想叫細份但係手機落單無細份可以選擇局住叫大份，叫呢個小食拼盤原因係我同朋友都想食台灣腸，但係無得散叫先叫小食拼盤。鹽酥雞炸得香脆，台灣腸切得唔好但味道正常，甜不辣炸得香脆入面軟糯唔錯，最好食係個小食拼盤😦. 夢Dream $42士多啤梨🍓藍橙乳酪特飲，好岩打卡但係唔好飲，呢杯主要係沙冰但飲唔到士多啤梨/乳酪味，就一個甜字. 夜: 紫薯奶蓋3.6牛乳特飲 $38都係得個樣，紫薯味又無奶味又無更加飲唔到有奶蓋味，飲完其實我唔知自己飲緊咩😦.總結係唔會再有下一次，首先上菜好慢，味道就全部都唔好食，係得個小食拼盤叫做正常，不過想試伏既係可以過去食😂😂😂.嘆嘆黃大仙龍翔道136號黃大仙中心北館地下G06E-G06G號鋪2350 0383
