假期前夕工作總係忙碌，咁收工就緊係要輕鬆下(´▽｀)剛好朋友有野想買就出左尖沙咀行下，行到咁上下就搵左間好chill既餐廳食個晚餐😌餐廳裝修歐陸風，有情調最岩就係飲杯野傾下野，而且餐廳有生酮Menu提供，可以滿足唔同需要既客人. 見到餐廳個名係bar & lounge就知道黎呢到最岩就係飲酒😉呢到有，紅酒，白酒，Whisky，Vodka，Cocktail等等，應有盡有。兩個人靜靜地談心又得，一大班人傾計又得(´▽｀). 海膽芝士白汁焗廣島蠔 $138拉絲芝士配埋海膽汁好creamy，廣島蠔肥美鮮甜，每啖都食到海膽汁好邪惡，個底仲有菜令人減少邪惡感🤣呢個汁配意粉食仲正(´▽｀). 油封鴨髀配蔬菜蓉及秘製醬汁 $188鴨鴨皮香脆肉質鮮嫩夠腍而且煮得入味，再配上南瓜蓉減輕油膩感. 四式芝士薄餅 $138本身想叫辣肉腸薄餅但可惜賣哂，唔緊要，我都好鐘意食芝士，所以就試下個四式芝士。薄餅焗得香脆，口感軟滑又有濃郁芝士味，好食！最重要係份量唔算大份，兩個人食剛好，食完呢個仲可以試其他野食. RUBER $108 RUBER用左士多啤梨，伏特加，橙酒，檸檬汁等調配，容易入口士多啤梨味重(´▽｀). The Wall Street Bar & Lounge 尖沙咀金巴利道40號MW Plaza 一樓2389 6018/ 9143 4825 WhatsApp星期一至四 15:00-00:00星期五 15:00-02:00星期六至日 12:00-00:00
