好耐無放假今日拎左假就約左朋友食個afternoon tea relax下，朋友話之前見到有間餐廳天台打卡好正，OK！甘就出發啦(´▽｀) 點擊圖片放大 餐廳有indoor同outdoor可以選擇，我哋就揀左outdoor可以瘋狂影相打卡haha，環境一流啊坐得舒適又可以chill下，去到樣樣都想食，最後都係揀返食afternoon tea 點擊圖片放大 +2 Afternoon tea set B $468 茶點擺係熱氣球架上，中間個熱氣球仲可以轉，我哋係到轉黎轉去影相😂 咸點有三款六件，甜品六件。咸點有龍蝦沙律三文治，中東鷹嘴豆泥蕃茄多士，焗芝士忌廉千層薯。龍蝦三文治龍蝦肉彈牙面頭有青瓜絲食落好清新。蕃茄多士配上酸忌廉令我諗起酸忌廉洋蔥味薯片😂酸酸味味好開胃。千層薯焗得夠林配埋芝士，好食！ . 甜點有烏龍茶雪芳蛋糕，紅色天鵝絨蛋糕，檸檬蛋白批，咖啡慕絲蛋糕，開心果榛子朱古力撻同焦糖撻。烏龍茶蛋糕鬆軟茶味濃，天鵝絨蛋糕唔會好甜，檸檬蛋白批偏酸食完一啖個人精神左😂朋友鐘意食酸話好正(´▽｀)咖啡蛋糕咖啡味濃但略甜，榛子朱古撻甜度適中好似食緊繽紛樂甘，焦糖撻焦糖味濃但有少少甜，整體都唔錯👍🏻食完好飽 . 見到其他枱食小食意粉都好吸引，下次去坐indoor又會係另一種感覺(´▽｀) . Arcadia Restaurant and bar 銅鑼灣登龍街1-29號金朝陽中心2期30樓 9330 0396 星期一至四 15:00-03:00 星期五至六15:00-04:00 星期日 15:00-03:00
