這次為了慶祝J先生生日，尊程到了位於中環既PIQNIQ食bruch，當日因為落雨既關係所以只係得好小客人，好好影相／拍video，先比大家睇下周圍既環境先，空間唔算好大，係以戶外摩洛哥風格為主，個view都算幾正嫁，岩曬同fd摸摸酒杯底，打下卡，傾下計。 點擊圖片放大 食物方面，我地就order左1個set＋1份和牛三文治＋2杯飲品，最值得推介比大家就係呢份又貴，份量又細既三文治，但真係超級好味，麵包好脆，好香牛油味，而和牛就更係超正啦，我地order 3成熟，牛味好濃，而且好淋，入口好鬆軟，大家去到真係一定要試試，其他食物就不過不失啦，唔算太特別，但勝在d器皿夠曬特別，d碟同埋個野餐籃都好有戶外既感覺。 總括黎講我都覺得值得去試試佢既和牛三文治，真係做得唔錯，空間雖然唔算大，但勝在好有異國風情，影下靚相，relax下。另外呢間bar除左吸引到一班女仔黎食tea之外，夜晚黎飲野都唔錯嫁，搵到d相比大家睇睇，我下次都會試下夜晚去先。 （這張相片來源：IG:PIQNIQ） 地址：R/F （Rooftop），HQueens，80 Queens Road Central，Hong Kong 當日消費：Set$198 , 和牛三文治＄398，Drinks 約＄100 如果大家想睇更多我既分享，可以Follow我Ig/Facebook嫁 IG: suki_tong_tong FACEBOOK: 阿糖
