返工咁辛苦，收工去咗買低脂乳酪雪糕，健康又好味。店舖就係天后地鐵站直行三個街口就到，乳酪雪糕店店名叫“Drool Froyo” 乳酪雪糕口感酸酸甜甜、軟滑好味，夠哂消暑，食得好滿足。除咗有4款自選杯選擇，包括有純味杯、滋味杯、滿足杯、牛角杯，另外26款配料選擇：新鮮生果、自家出品、煙煙韌韌、名式餅乾、脆脆 及有9款醬汁選擇；如果你諗唔到自選杯嘅話，仲有7款 Drool Froyo Favorite 比你選擇 [ 牛角杯 $60 ] 配2款配料 + 1款醬汁 (額外配料每款 $5) 牛角杯有一塊壓扁咗個牛角包，口感微甜又酥脆，放係中間層嘅醬汁係香甜嘅玫瑰荔枝醬 + 大大粒藍莓，甜甜藍莓又脆口 + 最頂放有咖啡蛋白霜糖。最頂層及低層有軟滑乳酪雪糕包圍住，食落有層次感又滿足 [ 滿足杯 $58 ] 配3款配料 + 1款醬汁 (額外配料每款 $5) 頂層及低層有軟滑乳酪雪糕，頂層及中間層放有清新口味嘅熱情果醬 + 中間層放有滿滿嘅草莓凍乾，食落口感甜甜脆脆，最頂層配有朱古力麻糬，細細粒又煙煙韌韌，好味道 + 雪糕仲插入三大舊脆卜卜焦糖脆，又脆又甜又好味 兩杯乳酪雪糕賣相十分吸引，食之前記得打卡影相先，每一杯都係藝術品，好靚好吸引又好有驚喜 餐廳：Drool Froyo 地點：天后電氣道96號地下A1號舖點擊圖片放大 #DroolFroyo #天后 #天后美食 #乳酪雪糕 #乳酪 #yogurt #甜品 #dessert #天后乳酪雪糕 #打卡 #foodies #hkfoodies
