假日相約友人到旺角 SUN HARU 韓國料理食午餐，環境舒適，牆上壁畫畫好靚，打卡一流 叫咗份 [ 二人套餐 B $228 ] 有 [ 亞之媽炸雞半隻 ] 配 蜂蜜芥末口味，半隻份量都好多件，大大件炸雞，熱辣辣香噴噴，外層脆卜卜內裡肉質嫩滑又多汁，炸皮無厚粉，淋上蜂蜜芥末醬，味道甜甜地，無骨之餘每口啖啖肉，食到停唔到口 煎餅有兩款選擇，一款係泡菜另一款係海鮮，最後選擇 [ 海鮮煎餅 ] 煎得夠軟熟，厚度適中，成個碟咁大塊，濃濃的蛋香味，海鮮餡料份量都幾多下，有爽口彈牙嘅蝦仁、鮮甜彈牙魷魚、充滿住蔥香味 [ 韓式雜菜炒粉絲 ] 可以揀烤牛肉或辣腩肉，揀咗辣腩肉，辣腩肉份量都好多，薄薄一片片，口感軟熟又辣辣地，配菜有椰菜、甘筍絲，粉絲口感煙韌好味，一啲都唔油膩 飲品加 [ +$18 菠蘿沙冰 ] 超大杯，果味濃郁，飲落冰涼透心；另一杯 [ +$8 藍天乳酸梳打 ] 顏色夠夢幻，味道唔會太甜，清爽解渴 餐廳：SUN HARU 地點：旺角通菜街1A-1L號威達商業大廈地下E及F #香港探店 #SUNHARU #韓國餐廳 #韓國料理 #韓國餐 #韓國菜 #通菜街 #Koreanfood #旺角美食 #旺角 #亞之媽炸雞 #foodies #hkfoodies
