點擊圖片放大 聽日又放假啦，收工要去入定啲貨先，去咗旺角白布街個邊，有間賣台灣產品嘅生活百貨店 #阿木台灣生活百貨 @mu_taiwan_store，店內有好多台灣直送有特色嘅台灣產品及食品，有冷凍食品、水果、蛋糕、零食。買夠 $800，仲可以免費送貨 最後決定買咗3樣野就回家，買咗一個蛋糕、一盒餃子及一份蚵仔煎點擊圖片放大 +2 蛋糕就揀咗個 [ 米滋崎 - 香檸起士 $259 ] 用咗新鮮嘅檸檬整成，檸檬味好香，蛋糕質感輕盈，雪凍後切開會見到，上層係雪糕口感凍冰冰，又濃又滑嘅起士，下層係口感鬆軟嘅蛋糕，味道酸酸甜甜，好食到停唔到口 水餃有幾款選擇，最後就揀咗呢款 [ 阿木 - 高麗菜韭黃豬肉水餃 $88 ] 一盒餃子有16隻，可以放湯煮或拌醬汁食都可以，香濃嘅韭菜 + 高麗菜 + 豬肉餡，餃子皮厚薄適中，咬落夠juicy又有咬口，口感清爽 呢款懶人料理就最啱我 [ 阿木 - 蚵仔煎 $55 ] 做法超簡單，解凍後，煎到外脆內軟，最後就係落埋個醬汁，就完成 阿木台灣生活百貨旺角白布街8號 (藝興大廈地下舖)
