想食呢間好耐啦，見今日早咗收工，就同朋友一齊去， 呢到環境舒適又清靜，地方大，仲有幅藍色波點打卡牆，好特別 睇完餐牌，叫咗份 [ 脆炸墨魚嘴伴七味蛋黃醬 $68 ] 脆卜卜嘅墨魚嘴真係好脆口，仲配埋個七味蛋黃醬一齊食，真係食到停唔到口 另外叫咗一份卷物 [ 吉列蝦牛油果卷 $118 ] 牛油果包住卷物，中間包住酥脆可口吉列蝦、爽脆青瓜及黃蘿蔔 主菜就叫咗 [ 香煎三文魚扒配青芥末辣忌廉汁 $198 ] 用忌廉汁及 Wasabi 製成特別嘅醬汁，三文魚扒煎到約8成熟，令魚肉保留原有啲魚汁，魚皮煎得香脆，另外加少許 Wasabi 落三文魚扒到，令味道更突出 夢幻粉藍色嘅 [ Bleu Bliss $58 ] 用雲呢拿雪糕 + 奶製成沙冰，入口冰涼透心，香滑好飲 友人揀咗杯，賣相好吸引，打卡一流嘅 [ Secret Angel $58 ] 杯中有朵玫瑰花用 Plum 整成，仲有片薄荷葉做裝飾，就好似一個水晶球咁，真係夠哂特別，士多啤梨梳打清涼好飲點擊圖片放大 飯後甜品 [ 朱古力 Oreo 牛角包窩夫 $68 ] Oreo碎鋪曬喺面， 牛角包窩夫好特別，口感就好似牛角包個種酥皮，好有咬口，配朱古力雪糕及甜甜嘅朱古力醬 幸圓 - 鰂魚涌英皇道1001號1樓1-2號舖
