依家疫情無晚市，要買外賣回家，咁啱係apm行街發現咗有間和風外賣店，佢地有有ABC三款套餐任你揀，有6款湯底比你揀，仲有2款咖哩飯 睇完餐牌，我就揀咗兩份B餐。值得推介【法式龍蝦濃湯 $49】湯底夠香濃，又Creamy ，飲落鮮味濃郁，仲有好多舊龍蝦肉，肉質爽脆 小菜就揀咗【番茄菠菜芝士雞肉卷 $20】三舊大件雞肉卷，雞肉卷中間有菠菜及帶少少鹹香嘅芝士，撈埋啲番茄醬一齊食，夠哂開胃；配上【日本米飯 $10】 第二份B餐就揀咗【黑豚肉丸柚子胡椒濃湯 $39】胡椒味唔太重，味道帶香甜柚子味，湯底夠濃郁夠Creamy，仲有好多好大舊嘅黑豚肉丸，肉質嫩滑 小菜就揀咗【油揚豆腐黑豚肉薑汁燒 $20】薄薄嘅黑豚肉肉質細嫩，配上薑汁夠特別，油揚豆腐軟腍，味道有少少辣，幾惹味；配咗杯新鮮沙律菜【野菜沙律杯 $10】裡面仲有好少見到嘅奇異果，健康好味 一汁一菜 觀塘觀塘道418號創紀之城五期(apm)2樓L2-3號舖
