近排去深水埗比較多，所以相約朋友係附近食晚餐，係呢區都好多唔同餐廳，今晚想食日本料理，所以就揀咗呢間，淨係睇個門口，就覺得好似飛咗搞日本咁，內裡裝飾有日本風格 我同朋友每人叫咗份鐵板定食套餐【老虎大蝦 (兩本)、日本一口和牛粒 $198】睇住師傅燒緊兩隻手掌咁長嘅「老虎大蝦」，仲灑上紫菜碎，燒到金黃色嘅蝦肉，咬落爽口彈牙；「日本一口和牛粒」和牛粒軟腍惹，入口溶化，仲配埋炸蒜片，金黃香脆；配「炒野菜」鐵板炒野菜，有切薄椰菜、切片冬菇、金菇、紅蘿蔔絲；沙律、水果(日本蜜瓜)、麵豉湯、白飯 另一份就係【日本豚肉薄燒、壽司八貫 $178】「日本豚肉薄燒」將薄豚肉略為煎熟，再炒香青蔥，將青蔥花放上豚肉，捲好。豚肉肉質鮮嫩，咬落去香口；「壽司八貫」廚師發板八貫壽司，即叫即做，新鮮刺身，有蟹棒、北寄貝、三文魚、熟蝦等等… 再配埋沙律、水果(日本蜜瓜)、麵豉湯 再叫咗份【芝士翠玉瓜 (六本) $48】半溶芝士放係煎得好香嘅翠玉瓜上，咬落多汁，好味 七代目食堂 (深水埗) 深水埗青山道155-181號天悅廣場地下B2號舖
