今日同朋友行經附近，記得上次嚟食已經覺得好正，所以今次再嚟幫襯，今次仲轉咗新餐Menu 睇完Menu 就叫咗兩款主食【露筍、煙三文魚、大啡菇意大利飯 $158】淨係睇個賣相已經勁吸引，最頂係大大隻大啡菇，外層用咗煙三文魚包圍住，新鮮露筍，配埋較淋身嘅意大利飯，健康營養又好味 另外叫咗標準size嘅【烤西班牙豬助骨 $188】豬助骨肉質夠嫩，容易切開，烤汁配搭得好；配埋薯條(可以揀沙律)，香脆薯條，份量好多 再叫咗款小食【黑松露、煙火腿、竹炭厚多士 $78】即叫即整，熱溶嘅芝士用咗4款芝士整成，再加啲黑松露；厚多士用竹炭做夠哂特別，仲焗得香脆；煙火腿份量唔太多，內裡有切片菇；食落口感豐富 朋友就叫咗杯【炭燒榛子朱古力 $58】面層係燒溶咗嘅棉花糖，香濃幼滑榛子朱古力，味道甜甜地；我就叫咗杯【焦糖蜂蜜奶昔 $68】睇到個外型已經已經like爆，爆谷同忌廉夠哂邪惡，好多粒脆卜卜嘅爆谷，焦糖蜂蜜奶昔甜到入心，好飲 Chiba_hk 彌敦道566號僑建大廈2樓2室
