尖沙咀都有間令和鍋物酒場，行入去嘅環境仲好似去咗日本咁，環境舒適又大，職員又nice，呢到仲要收2點，可以夜啲嚟食都得，依家新店開張有八折優惠，非常吸引 坐埋位就即睇餐牌有咩食，太多美食選擇，所以每樣都叫咗啲一齊分享；第一樣上枱係【燒冰火菠蘿 $25】已經切開咗又厚又大舊，甜甜嘅菠蘿；再嚟就係朋友話好正嘅【北海道花魚一夜干 $88】燒到好香呀，連我唔食魚都食埋一份，魚嘅肉質好嫩滑，落埋檸檬汁仲好食 朋友話我知一定要叫【螢光魷魚漬 $48】一碟有好多條小魷魚，食落鮮甜好味，醬汁帶少咸；刺身就叫咗【活赤貝 $68】鮮甜爽口又好味 飲品嚟緊，我嘩咗一聲！朋友叫咗杯【鮮檸檬威士忌梳打 $58】淨係睇賣相已經覺得好型 (忘記數有幾多片檸檬添)，長長嘅冰檸檬插入杯內，入口嘅威士忌梳打仲有陣陳嘅檸檬清香味；我就揀咗杯【金鑽鳳梨冰 $48】有3塊菠蘿葉插咗係到，成杯菠蘿沙冰凍冰冰，又清甜菠蘿味好好飲，夏天飲就啱哂；兩杯飲品都勁大杯 即叫即燒嘅燒物嚟啦！【一口燒蕃薯仔 $15】一口軟綿綿燒蕃薯仔，又香好味道；燒到金黃色嘅【鹽燒雞軟骨 $22 】一人食一串，粒粒爽脆好味；再嚟就係【明太子醬免治雞肉棒 $28】免治雞肉棒真係好正，配埋咸咸地嘅明太子醬 當然要叫埋我最鍾意食嘅【令和玉子燒 $42】甜甜地好好味；叫咗碟【什錦天婦羅 $68】有蝦、蕃薯、秋葵、南瓜、粟米仔，每樣都炸得好香脆；再嚟咗個【日式炸豆腐 $38】外層炸得薄薄香脆，內裡熱騰騰嘅豆腐好滑嫩；最後就嚟埋【鹽味昆布飯糰 $23】個飯糰真係好厚好大舊，昆布帶點咸咸地 兩個人食咗勁豐富嘅一餐，性價比高嘅居酒屋，都係五百幾蚊埋單，真係物超所值 令和鍋物酒場 (尖沙咀厚福街店) 尖沙咀厚福街9號豪華閣1樓
