好耐冇同爸爸去食飯啦,今日見到公司後面有間食西班牙菜嘅餐廳,外面望入去就已經覺得環境好吸引🤩入到去就覺得環境舒適,又坐得舒服 八爪魚薄片配酸青瓜 + 飛魚籽 + 柚子汁 $88 呢款係開胃小食,一片片鮮甜爽口嘅薄切八爪魚🐙片,配埋酸青瓜 🥒+ 飛魚籽,鮮味十足,八爪魚又夠哂新鮮又有咬口,配埋甜中帶酸嘅柚子汁,真係好正 風乾火腿多士 $98 香脆多士🍞加上醃製火腿,火腿油份充足,仲帶出少少鹹味,肉味香濃,中間夾住酸酸地嘅🍅茄醬,層次分明 西班牙蒜蓉蝦 + 海鮮汁 $85 蒜蓉🧄勁香🦐蝦肉爽口彈牙~(已經去除蝦殼,好貼心呀) 個海鮮汁超惹味,真係正到暈 食西班牙菜,點少得叫番個西班牙炒飯呢😋 西班牙海鮮飯 + 雜海鮮 + 豬腩肉 $228 鮮味濃郁嘅西班牙海鮮飯,仲要有好多款海鮮~蝦🦐青口🦪蜆🐚魷魚🦑估唔到仲有豬腩肉🐖啖啖肉,粒粒飯分明,2個人食份量剛剛好 🤭🤭食完成餐晚餐後,我先發現,原來無叫到飲品,失禮哂;下次帶朋友再嚟食過,就一定要叫番杯Wine🍸 rojo 天后炮台山木星街3號地下B舖 ~~~~~~~~~~~~~~~~~~~ 如喜歡我的分享,記得讚好我IG及FB專頁😊我會不定時有分享推介😊 Email:sukisukiy@hotmail.com IG:https://instagram.com/sukisukiy Facebook:https://www.facebook.com/sukipeiyy/