今晚朋友帶我去食一間佢好想食好耐嘅店舖,要沿住中環扶手電梯上去,位於大館附近,行近已經望到門口已經有勁多人排隊等位,餐廳入面仲要滿座,環境舒服😊職員又勁nice 手繪雙色鹽酥雞🐣 $88 未見過比乒乓波仲要大舊嘅鹽酥雞,仲要係即叫即炸,每一舊都好熱,雞肉肉質嫩滑又多汁,食到停唔到口;外層又脆又薄;拌黑松露醬及柚子醬,我覺得同黑松露醬比較香濃;柚子醬就比較酸酸甜甜 台式肉鬆榨菜蛋餅 $68 外層煙煙韌韌包住,肉裡嘅肉鬆及榨菜,蛋煎得香,榨菜又脆口,好夾嘅配搭 牛汁滷蘭花干 $48 蘭花干比較鬆軟,牛骨湯加入自家製嘅牛油去燙熟蘭花干,牛香味完全滲入豆腐干內,夠哂入味(放入口時要小心,真係好熱架) 奶奶麻糬 Oreo $85 滑捋捋嘅麻糬,用筷子夾起上嚟嘅感覺好特別,再混合Oreo曲奇碎,就變得好有咬口;放入口涼涼地,帶有QQ口感;外形好似白雪雪嘅雪山🗻 綠豆沙牛乳🍵 $55 濃濃嘅綠豆沙配上牛乳好滑又夠香,攪勻一齊飲就會滲出綠豆清香味 鮮薑汁撞奶🥛 $55 今次我揀咗凍飲,下次可以試下熱飲😍薑汁味仲好香濃,帶有少許薑本身有嘅辣,奶又好滑,混埋一齊真係超香,好好飲 Check-In Taipei 中環蘇豪荷李活道27號地舖 @checkintaipeihk ~~~~~~~~~~~~~~~~~~~~~~~~ 如喜歡我的分享,記得讚好我IG及FB專頁😊我會不定時有分享推介😊 Email:sukisukiy@hotmail.com IG:https://instagram.com/sukisukiy Facebook:https://www.facebook.com/sukipeiyy/