朋友話佢屋企附近新開左一間刀削麵，因為朋友好想食所以我地就去食，呢度地方大又乾淨，店員仲好有禮貌添 呢到啲刀削麵碗碗都好大碗，有湯麵、冷麵、麻辣刀削麵任你揀，呢到啲刀削麵每日手製，即叫即做。枱上仲有一樽好大樽既開胃醃蘿蔔🤩，切到大大舊，勁爽脆，仲可以買走，有3個不同size，細盒 $15，中盒 $35，大盒 $55，抵食夾大盒 (我地買咗一盒大及一盒中帶走🤭) 特色冷刀削麵 $52青瓜絲🥒、擔擔醬(少少辣🌶)、沙律醬、牛肉絲、雞蛋🥚刀削麵每一條都切得好均勻，彈牙厚實，食到好lamlam脷。呢碗係冷麵，有好多配料撈埋一齊噌食，少少辣，辣得黎仲好惹味，令你胃口大增。 口水雞刀削麵 $55雞肉夠嫩滑，仲辣辣地，食得🌶辣既朋友真係啱哂，個湯夠哂味，熱食刀削麵，麵質厚實，夠哂咬口，仲好好味 🌶涼拌皮蛋 $20刺激你既胃口，個辣汁伴皮蛋，好正 🌶涼拌青瓜 $20又抵食又大碟，又爽又脆既青瓜🥒，辣得黎夠惹味，個辣油汁仲好正，開胃小食 阿華田脆脆🍫 跟餐 +$8 x2香濃既華田味，仲有華田脆脆，甜甜地，好好飲 凍利賓納🍇 $17凍柚子蜜🍊 $17 @銘興山西刀削麵 (大角咀)大角咀埃華街89-105號大同新邨L座大衛樓地下4B號舖 ~~~~~~~~~~~~~~~~~~~~~~~~~~如喜歡我的分享，記得讚好我的Facebook 專頁😊我會不定時有分享推介😊Email：sukisukiy@hotmail.comIG：https://instagram.com/sukisukiyFacebook：https://www.facebook.com/sukipeiyy/Blog：https://sukisukiy.blogspot.com/
