由於好多人以為小弟是 Hello Kitty 迷，那我當然尊重民意，不負所託，即時打電話給公關小姐 Ruth，叫佢帶我去試食香港首間 Hello Kitty Cafe！Hello Kitty Cafe 就在銅鑼灣 SOGO B2 的 Freshmart 超市內，剛剛於過去的星期六正式登陸。 . 其實今年年初，小弟都去過首爾仁川機場裡面的 Hello Kitty Cafe，當地間 Cafe 食物賣相吸引、店員也打扮得格外可愛，環境更不用說，謀殺了我 iPhone 不少 storage 之餘，仲有好多可愛的 Kitty 紀念品，食完有點不想走的感覺。至於港版的 Hello Kitty Cafe 會係咩水準？今次就由環境、食物、飲品，3 方面加埋的一籃子因素，評估出以下的試食報告： . 環境篇 (滿意度：UUUU) 點評：✓ 簡潔舒服/ ✕ 舖位較狹窄 Cafe 的全店叫 Hello Kitty le petit cafe，顧名思義，真係好 petit 好的骰，只是一個 counter 位，但裝修都好有心思。 . 大大個 logo，離遠已經見到，是 KT 迷放相上 facebook 的必影靚位。 . 由於 cafe 響啱啱個星期六先開張，所以仲有個 Kitty & Daniel 貓樣花籃放響度。 . Counter 有好多 Kitty 的招牌蝴蝶結裝飾。 . Cafe 不設座位，只有企位，大概可以容納到 4-5 個人「立食」。 . 食物篇 (滿意度：UUUU) 點評： ✓ 曲奇有3款口味/ 蛋糕有11款/ macaron 有10款/ 烏結糖有3款，選擇很多！ ✕ 雖然有咁多選擇，但唔係日日出齊，部分口味更好快售罄 >_< 3D Red Apple Cheese Cake ($48) 切開有4 層 (由內到外)：鮮蘋果蓉 > 芝士 > 海綿蛋糕 > 蘋果啫喱醬 KT 迷都知道 Hello Kitty 最愛的食物就是蘋果，身高又相當於3 個蘋果，所以這個cake好有意義，是店內的signature cake。提示：仲有一個青色的青蘋果口味架~ . Raspberry Chocolate Ball ($48) 私伙 Kitty 都話這個蛋糕中間的 Raspberry 蓉好濃郁！ . Banana Chocolate Ball，外層是朱古力，內層是香蕉蓉，味道好夾！ . 栗子蛋糕 . Blueberry Chese . Passionfruit Chocolate Dome . Red Bean Green Tea Moussee . Macaron，每粒 $28 味道有 (上至下左至右)：咖啡/ 玫瑰/ 腰果/ 杏仁/ 雲呢拿/ 紅莓 每個口味的 pattern 都係 set 梗咗的，如果想影相上 FB，揀口味的時候要同時考慮鍾唔鍾意個 pattern。 . 貓頭曲奇，每塊$10，有牛油咖啡朱古力 3 種味。 . 鳥結糖，一盒十粒，$68 著數提示： 1) 聖誕會出x'mas set，一盒烏結糖 + 一盒曲奇，只需 $128 (平日買要 $146) 2) 遲些 cafe 會出埋 Hello Kitty Waffle，聽聞仲要係鹹味的，密切期待！ . 飲品篇 (滿意度：UUUUU) 點評：✓ 意料之外的好飲/ ✕ 諗唔到住 Hot Cappuccino $34 除咗齋啡，一向都唔太好飲咖啡，因總係覺得加得太多奶同糖，破壞咗咖啡原來的香味，但呢杯竟然唔太甜，意外的美味！ . 玫瑰咖啡，底層的紅色是玫瑰糖漿。 . 飲過鍾意，可以買埋咖啡豆番屋企自己沖。 . 除咗咖啡，仲有不同種類的有機茶飲，茶包全是絲袋包裝，唔會焗住d茶葉，令葉味更香。 . Hello Kitty Le Petit Café 位置：銅鑼灣 SOGO B2 層崇光超市 電話：2833 8338 . 過江龍美食： 1) 北海道地方 1) 北海道 東北地方 2) 青森縣 3) 岩手縣 4) 宮城縣 5) 秋田縣 關東地方 9) 栃木縣 11) 埼玉縣 12) 千葉縣 13) 東京都 14) 神奈川縣 中部地方 16) 富山縣 17) 石川縣 19) 山梨縣 20) 長野縣 21) 岐阜縣 22) 靜岡縣 23) 愛知縣 近畿地方 24) 三重縣 25) 滋賀縣 26) 京都府 27) 大阪府 28) 兵庫縣 29) 奈良縣 四國地方 36) 德島縣 39) 高知縣 九州及沖繩地方 42) 長崎縣 45) 宮崎縣 46) 鹿兒島縣 47) 沖繩縣
