成日聽到朋友呻，話去日本一定行到腳瓜過勞， 無計，日本地方實在太大， 就以東京車站為例，面積大唔在講，而且仲有兩層， (誇張d講，分分鐘有6個維園足球場咁大)， 行到腳痛事小，唔覺意迷路，又要重新再看地圖找方向，少d腳力都唔得！ . 無辦法，東京車站是全日本新幹線的起點站，又連接山手線、中央線等多條鐵道路線， 車多，人就多，店舖更多， 基本上唔駛出閘都可以在裡頭玩足全日。 而我今次去要找的舖頭就係 ── Suica 企鵝精品店「 Pensta」！ 這隻可愛的企鵝，一般人對牠的認識是「Suica 代言人」， 不過，秘密係牠並不是 Suica 的原創人物。 根據原作者坂崎千春小姐的設定，企鵝是遠道由南極來東京的， 而 JR 東日本起用牠是因為企鵝會「順暢地」(スイスイ) 游泳，正如用 Suica 可以「順暢地」出入閘一樣。 . 講番 Pensta，其實店面非常的小， 但精品都算豐富，除了公仔之外，大部份都是實用性強的精品，還有印有企鵝嘜頭的美食等。 雖然 Pensta 的精品在網上也有發售， 但始終專門店可以看到實物，又可以摸上手，令人買得安心又開心。 . 不過，有心理準備 Pensta 並不易找， 即使我自覺對東京車站的「構內圖」已略有概念，都要搵咗 15 分鐘先搵到。 為免大家走冤枉路，在此列出尋找 Suica 企鵝專門店的路線圖： 步出列車月台後，認住「八重洲南口」指示牌，往這個方向一路走，走到盡頭，直至見到京葉線入口， 在入口處的角落，就會看到 Pensta！ 記得，全程不要出閘啊！ 下次經過東京車站，不妨落車到 Pensta 執番兩件手信再繼續行程，Pensta 是年中無休的！ . Pensta 就係眼見咁大，容納唔到人入去架，只可在門口看。 而精品都算幾多丫~ . 左邊是店長推介的曲奇/ 中間是全店最受歡迎的硬糖 (本身個鐵罐已值得收藏同攞去炒) / 右邊是罐頭麵包！ . 企鵝毛公仔，應該是店內最唔實用的精品。 . Suica 套，我曾經用過一個類似的，但番到香港發覺個殼太厚，八達通係 sense 唔到的，灰!!!! . 最後我帶走了呢個 Suica 產品！ . Book Cover，啱啱好cover一本文庫本，背面仲有個位俾人放suica， 一路搭車一路睇書，唔駛左摷右摷車票，超細心的 >< . 更多 鐵道系列 1) 北海道地方 1) 北海道 東北地方 2) 青森縣 3) 岩手縣 4) 宮城縣 5) 秋田縣 關東地方 9) 栃木縣 11) 埼玉縣 12) 千葉縣 13) 東京都 14) 神奈川縣 中部地方 16) 富山縣 17) 石川縣 19) 山梨縣 20) 長野縣 21) 岐阜縣 22) 靜岡縣 23) 愛知縣 近畿地方 24) 三重縣 25) 滋賀縣 26) 京都府 27) 大阪府 28) 兵庫縣 29) 奈良縣 四國地方 36) 德島縣 39) 高知縣 九州及沖繩地方 42) 長崎縣 45) 宮崎縣 46) 鹿兒島縣 47) 沖繩縣
