好消息！「韓粉」又多一個朝聖地！ 它就是剛登陸香港的韓國過江龍人氣食堂 ── School Food。 . 唔講唔知，原來 School Food 已有十年歷史， 創辦人李相潤先生最初在新沙洞開店， 一眨眼，School Food 現時已有超過 80 間分店， 而位於新沙洞的本店，更是星光熠熠，去幫襯的話，分分鐘隔離枱就坐著你心儀的韓星！ 講到明係人氣食堂，我見 School Food 香港店開業以來，門口又真係每日都有人龍， 我當然都唔執輸，第一時間「舌累」PR 帶我試食！GoGoGo！ . 食物方面，紫菜飯、炒年糕、 韓式拌飯、冷麵...... 基本上講得出的傳統韓國 street food 都有， 不過，School Food 選擇將傳統的韓國菜，以新潮的烹調手法來呈現。 例如，店內的主打 kimbap (紫菜卷)，就有成 11 款嶄新口味，炒年糕又有 6 款口味， 而且每碟的份量頗大， 建議最好約齊一班朋友開心 Share，兩人組合情侶檔未必試得晒咁多美食！ . School Food 美食逐樣評: . 紫菜飯 department 烏卒卒 $68 (必食指數：UUUUU) 點評：墨魚汁飯加入了蛋黃醬，有少少似意大利的 risotto。 而重點在於墨魚，出乎意料的香軟嫩滑，必試之選！ . 紳士先生 $62 (必食指數：UUUU) 點評：雞蛋加入了 mozzarella 芝士，再包著韓國人最愛的 SPAM 午餐肉及醬菜，相當不錯。 不過，芝士味頗濃，如果你跟我一樣，不太愛吃 cheese，可能未必接受到。 . 炸蝦卷 $62 (必食指數：UUUU) 點評：新鮮香脆，比「千X」壽司店的炸蝦卷還美味。 . 炒年糕 department 卡邦尼年糕 $68 (必食指數：UUUUU) 點評：比一般 carbonara 多了一份甜味，皆因大廚加入了秘製韓式醬汁，食到停唔到口之選！ . 地獄辣醬年糕 $62 (必食指數：UUUU) 點評：以辣醬加蒜炒成，辛辣指數爆燈，勇者可接受挑戰！ . 其他 department 水冷麵 $70 (必食指數：UUUU) 點評：冰水其實是牛骨熬成的湯，麵條則是蕎麥，不過都是辣辣的。 . 餐廳環境 裝修跟足韓國 . 學生椅子，是 school food 的其中一個特色。 . 韓風牆身 . 花花圖案，其實是「紫菜飯砌成花朵形狀」的意思。 . School Food 內有一部點唱機，內有約 60 隻韓文 CD， 連 PSY 的 Gentleman 都有，非常 update！ 溫馨提示，$5 可以點唱 2 首歌！ . 創辦人李相潤先生專程來港監督香港店開張！ . School Food 地址：銅鑼灣時代廣場 13 樓 1302 舖 電話：2480 3666 . 更多 韓流系列 1) 韓國免費 WIFI 熱點 2) [追星] 巡遊 11 間韓星事務所 3) 明洞: 18 間化妝品店大全 4) 東大門: 教你扮買家，入平衫! . 更多「香港日韓台」美食 1) Muji Cafe 本周五登陸香港！ 2) 率先試食 香港一蘭拉麵 3) [又試食] 小 S 麵包店 4) [全城最貴] mastermind 出 $680 拉麵，有幾正？ 5) 香蕉牛奶大比拼 (Binggrae vs 十字牌 vs 道地) 6) [日迷喜訊] Ringer Hut 進駐香港淘大! . 更多 日本全國遊記 関東地方：埼玉縣 / 東京都 / 神奈川縣 中部地方：山梨縣 / 靜岡縣 近畿地方：京都府 / 大阪府 / 兵庫縣 沖繩地方：沖繩縣
