在芸芸啤酒品牌中，我會俾 Sapporo 打最高分！ 咁啱今日一覺醒來，酒興大發， 於是決定到 Sapporo Beer 旗下的啤酒品牌 ── Yebisu Beer 啤酒廠參觀！ . 來到位於惠比壽的 Yebisu Beer 紀念館， 想入內參觀，就先要到 tour counter 報名， 成人每位 500 yen，包兩杯啤酒試飲， (最近開始以「開源節流」作座右銘的我計過，應該有賺！) . 跟其他團友集合後，啤酒之旅正式開始！ 職員先帶我們進入 Yebisu Gallery， 細心講解 Yebisu Beer 的誕生史， 同場還有大量歷史照片、舊宣傳海報、廣告、酒具等呈現眼前。 . 邊聽邊睇接近半小時， 我們已急不及待走到 Tasting Salon， 試飲館方預先準備好的 2 款不同口味的啤酒。 但我唔知係咪飲醉咗，竟然在館內遺失了重要物品... . 站在惠比壽 JR 站，舉目都是啤酒桶廣告。 而且，當列車到站時，月台都會播出 Yebisu Beer 的廣告主題曲音樂， 整個車站就好似係為咗間啤酒廠而設咁。 . 車站有幾個出口，要到啤酒紀念館， 就要通過 yebisu sky walk 的自動電梯。 . 沿路的廣告位都好似割讓咗俾 sapporo 咁。 . 離開行人電梯再行 5 分鐘就到啤酒紀念館了！ . yebisu beer museum 門口有一銅像， 以紀念 馬越恭平 (佢係惠比壽啤酒工場的第一任社長，人稱「東洋啤酒王」)。 . 紀念館大門，除咗有兩罐人咁高的啤酒歡迎你， 仲有一位經常飲酒但身型好fit的職員 (叉晒腰那位)。 . 門口位置有多個 yebisu beer 藝術裝置。 . 惠比壽像。 右持釣竿，左抱鯛魚，乃日本七福神之一，是航海之神。 . 紀念館內好冠冕堂皇呢！ . 呢個直插天花板的銅釜，原是 1987 年在酒廠工場使用的。 . 參觀通行證。 . 有專人給我們講解惠比壽啤酒的歷史，全程約 30 分鐘。 . 史上第一樽 yebisu beer！ . 宣傳海報，當年的女生要胖胖的才算美女。 . yebisu beer 更出現於多本漫畫內， 內容係，飲 yebisu beer 配埋香腸，更有風味咁話。 . Tasting Salon (試酒室)，只有 join 咗 tour 的旅客才可進入。 . 啤酒都咁有學問... . 可以試兩款啤酒，左邊以大麥製成，右邊用普通麥芽做， 左邊完勝！ . 附送的花生。 . 呢杯d泡高出酒杯成吋， 飲完個嘴多咗一條粗粗的「白鬍鬚」。 . 自認千杯不醉的你， 可以再移步到餐廳，繼續享受啤酒與美食。 . 飲飽食醉可以去買 souvenir， 有毛巾、杯、鎖匙扣等等，全部印有 yebisu beer 嘜頭。
