Day9 去到Copenhagen, 今次係坐火車出城 呢個host住得都幾近個station, 以為搵到條街, 喺樓下禁鐘, 竟然冇人應 果下都幾灰, 唔通遇到個流既couchsurfing host?其實都未必咁順利, 有係bonus, 冇只可以話係應該既. 開始有點panic既時候, 好彩附近都有d酒店, 起碼冇咁驚! 同一時間我都text左個host, 佢話佢喺屋企喎! 咁好明顯我地搵錯地方, 再行多2個街口, 問下人, 終於搵到啦!! 而同一時間, 佢都落左樓接我地. 佢叫Martin, 係一個當地既大學生, 個子不高, 但身形都健壯既, 二話不說拎住我地各20kg既行李, 上三樓. well, 其實佢真係可以唔洗幫我地架, 借地方俾我地訓, 仲做埋我地bellboy?實在太唔好意思! 但我相信, 外國人真係會比較gentlemen既(當然香港都有樂於助人既人啦...) 去到佢屋企, well, 只能用殘舊不陷, 卻別有風味去形容... 我同友人會訓喺兩間房, 分別同唔同人share, 我同Martin一間房, 友人同冰島女仔一間房 同佢地喺廳傾左陣計, 梳洗完, 呢晚好夜訓 值得一提係Martin間房, 佢係訓喺一個自制既上隔床, 而我就係訓喺地下, 鋪左一個爛床辱, 我再訓喺自己個睡袋度. 我地一路訓, 一路傾計, 都幾搞笑, 好似兩姊弟訓碌架床然後傾心事咁, 其實可以好危險 但唔顧慮得咁多, 因為我選擇相信! Day10 其實呢個地方, 因為友人極喜愛 (佢曾經將自己fb cover picture轉左做copenhagen)都唔知點解佢咁熱愛!!! Anyway, 我將呢度既行程交晒俾友人 首先行左聲稱成個europe最長既步行街, well, 真係好長, 長到, 行到我好崩潰!! 喺中間食左一間好出名既cafe, 但我個人覺得冇乜特別 而copenhagen, 真係好多design shop, 真係好有品味, 不過都唔平, 唯獨一間叫tiger?既連鎖店係大眾化d... 不過就冇咁特別, 不過其他shop, window shopping下都好開心架啦!!! 之後行行行, 行左去harbour果邊, 冇去個美人魚度, 因為覺得應該係一個好無聊既landmark.... 再喪行去一個公園, 友人解釋係一個集合唔同國家designers concept既公園 因為行得太耐, 我又有d唔舒服 (可能朝早飲左杯咖啡), 加上真係好攰, 所以喺個公園hea左好耐! 點後諗住番去, host又叫我地去個coffee shop meet佢因為佢會meet第2個CSer... 又行行行, 經過果個有d唔知鴨定鵝既結左冰既湖.. 坐左陣再行行行番屋企, 經過超市買左d送番屋企, 仲買左丹麥既藍罐曲奇做手信:P 煮左兩味俾個host食!!! 最搞笑係佢間屋冇罐頭刀, 我地要搵斧頭劈開個午餐肉....真係笑死左! 個冰島女勁豪咁大刀闊斧!!勁正!!! 點擊圖片放大 +3 Day11, 個host話帶我地去佢覺得好值得睇既Christiania, which is一個自己管轄既小村 無政府既自由地帶, 可以自由買賣大麻!!! 係好特別... 我地坐喺屋企等個host起身, 又唔好意思催佢... 佢醒左就問我地食左早餐未...心諗我緊係唔好意思食屋企d野啦!! 緊係想出去食!!! 點知佢就話起身煮俾我地食, 真係超sweet!! 係我食過最好味既omelette, 好有愛, 同埋好豐富既料, tomato, cheese....好味啊! 其實最緊要係心意!!! 佢會踩單車 (成個cohenhagen單車多過人!!!), 我地用腳行, 所以我地出發先, 喺果度等!!! 途中經過左個皇宮, 就見到呢堆人騎馬, 唔知做乜 行啊行 (真心行到好無助啦!!!!) 到啦, 其實原來Christiana都存在得好低調. 好彩有個local同我地一齊, 如果唔係我地真係會好似行普通一個公園咁 行到一個位比較多人有個小市集咁, 果度就有好多大麻產品啦!!! 之後就送別Martin啦, 我地就再求其行左一下 呢一晚Martin約左我地番屋企食飯, 佢帶左一班兄弟上黎, 煮丹麥野俾我地食! 講真, 佢地煮野食mode真係超有型, 個個都好似大廚咁純熟, 我好似睇佢地表演咁!! 重點係, 唔係淨係得個樣, 仲好好食添!! 我記得有一個蘋果豬排!! (丹麥出名食豬!!!) 真心好感激佢地既招待, 因為佢地真係唔需要對我地呢兩個借宿既人咁好! 我覺得自己真係好幸福!!! 點擊圖片放大 +3 Day12 我地一早要飛機番stockholm, 我地好安靜, 冇去驚動Martin 靜悄悄咁離開, 寫左張字條同佢講再見. 走既時候, 發現自己唔捨得呢度, 雖然環境好一般, 但好有家既感覺! 番到Stockholm, 本身諗住喺機場hea幾個鐘坐evening flight番HK... 但其實因為我地真係買唔到手信(一心諗住去丹麥買, 但更買唔到) 所以我就同友人分工合作, 我負責出去買手信, 佢留喺機場睇住d行李... 好趕急不過總算mission accomplished! 再踏上回家既路啦!!!!!!!! 北歐, 俾我再揀, 可能未必會喺city留咁耐, 因為其實我對city真係冇乜好感!! 最享受係好hea咁一日煮幾餐, 等夜晚睇極光, 對住個雪景, 真係冇得輸!!! 再感受到大自然係幾咁層出不窮! 亦好感激個天俾我地第一次就睇到極光啦!!! 令呢個旅程更難忘既就係第一次用couchsurfing帶俾我太大既驚喜! 好感恩, 亦証明我係岩架, 只要堅持做一個好人, 就會有好事發生架啦!!!! 而個重點就係, 成個trip都係洗左大概15000蚊!!好抵啊!!!