Day7 由Abisko去Kiruna果程火車, 我地早上已經準備左好豐富既burger俾我地做路上既糧食 呢一程火車, 景色堅靚, 靚到dum一聲!! 去到Kiruna就係災難既開始, 首先呢架車所以乘客同我地一齊捱凍等巴士 都起碼等到, 搭左出市中心, 就想搵巴士去機場, 有唔少人同我地一樣, 所以都唔係好擔心 而且都係兩點幾, 我地班機係7點幾, 所以應該都冇問題 但到底邊度有巴士呢? 據了解, 明明就喺附近, 仲有個巴士總站, 應該有掛... 問下人先....well...呢個地方好似dead city, 人都唔多個, ok fine... 問下巴士司機, 點知勁唔friendly, 話唔知囉!!!!! 真的輸了!!! 由於拎住個大行李, 我地就叫女友人喺室內Hea下睇住d行李, 我地2個去搵... 行左勁大個圈, 真係唔係講笑, 街上面冇人既程度會以為打緊喪屍game咁, 間唔中先會有個人出現.. 問到啦, 終於問到, 行岩路, 搵到了!!!擾攘左一輪, 總算搵到亦都趕得切啦!! 不過Kiruna都有一樣野好impressive既, 就係樹上面既霜好靚!!! 去到Stockholm, 簡直內心係好興奮, 因為...我地會獻出人生第一次既couchsurfing!! 去之前一直俾佢地同埋其他人ban我, 因為大家都會擔心有危險, 但因為我一直相信good things happen to good people... 所以我覺得一定冇事既!! 坐大巴途中已經聯絡左個host, 亦好好彩巴士上有wifi可以睇住自己去到邊!!! 原來落車點距離屋企只係幾十米路!!! Host落左黎接我地...我精挑細選左一個後生過我住喺Stockholm既意大利仔 上到去...wah....out of my expectation, 真係好正啊! 我地得到成個living room (佢既間隔其實就似係一間房咁) 張sofabed大到可以訓到3個人!! 個heating system好正, 廁所個地係暖架... 好感動, 完全比想像中好很多!!! 佢講解左一輪(大概係話屋企所有野都可以隨便食同埋俾左d travel advice我地) 之後佢就繼續做自己野, 而我地沖完涼都要訓啦, 因為...真的夜了!! Day8 呢一日係Stockholm自由行 我地因為冇錢, 所以要用腳行, 由屋企行去舊城, 其實可能行左1個鐘(掛) 都冇乜特別想去咩景點, 所以都係是但行... 而呢一日更加災難, 因為我跪底左, 一直腸胃唔好既我, 相信朝早飲左粒唔知華田定係好立克, 勁胃氣脹 最後, 嘔, 嘔晒出黎!!! 由12點幾一直唔舒服, 中途仲俾錢去左個廁所嘔, 所以最後我放棄左, 番左屋企... 友人們都唔忍心掉低我一個, 送左我番屋企, 我訓左佢地先出去食lunch... 男友人其實食完都要離我地而去了, 佢要番hk了... 淨番女友人, 因為我地約左個host一齊dinner (我地煮), 所以佢就負責煮野食, 我就負責休息要快d好番!!! 直到個host番黎我先起身, 蕃茄薯仔湯同埋五香肉丁面已經準備好啦!!! 同host傾計時, 被問到我認識既中國/香港一開始係點, 其實我只係諗到大禹治水, 同埋宋朝走難黎到HK 我d中史真係好差, 重點英文唔算差既我完全唔知點解釋-.- 只好怪我係讀理科啦哈哈!!! (小插曲, 喺Abisko既hostel我地同個gift shop既哥哥仔搭訕, 我問佢係咪來自Abisko, 佢話其實佢係from Stockholm... 問佢點解會黎到Abisko, 佢話嫌Stockholm多人, 我環顧四周, 點睇都睇唔透有邊忽多人, 我地已經去左多遊客既舊圬區 都完全體會唔到多人, 只可以話我地喺香港真係受過訓練架!!!) 點擊圖片放大 Day9 呢一日我地個host都要飛, 佢好信任我地, 我地班機係傍晚, 佢大可以叫我地一早就離開 但佢選擇左交條鎖匙俾我地, 任我地出去行完下晝再番黎拎行李, 然後喺個信箱位掉番條鎖匙入去 其實當我地怕個host係衰人既時候, 佢都有權怕我地係衰人, 但佢完全信任我地, 好感激 我都有少少表示既, 就係喺HK機場Starbuck買左一set寫住HK既杯, 作為小小心意啦! 仲送左對筷子俾佢同埋一個香港既10蚊銀, 希望host我地對佢黎講係一個好既experience啦! 因為對我黎講, 絕對係! Anyway, 呢一日, 好好多了, 一直係咁行! 由屋企行到去舊城再行到去呢個沉船, 真係攰到好崩潰! 仲要經歷行錯路, 呢個時候發現男友人其實真係好有用啊T.T 黎到呢個Vasa Museum, 本住我既作風, 其實唔洗花錢入去睇既! 我地就行左一轉個gift shop, 了解左呢隻只係航行左1300m就沉左既船... 之後就行番去(好心酸, 又行左一個鐘, 行到唔想講野啦!!!), 路上喺舊城買左少少手信(終於有野買得落手!!!) 番去就出發去Copenhagen啦.... 要搵下一個couchsurfing host....好緊張!!!!