馬代番黎都未夠一個月, 有假就緊係要喺公司清你之前清左自己先 同友人講講下都話想去吳哥窟 友人係做旅行社既, 有相熟既人可以用好好既價錢住Tara Angkor Hotel, 總算唔洗住hostel laaaa... 去之前亦都聯絡左喺果邊租車, 所以大部分野都settle晒架啦(事實係, 其實唔洗安排任何野, 去到同d司機約會平好多) 8月29-9月2日 Day1坐KA早機去, 去到已經11點幾啦! 先坐tuktuk去大巴站. 再由phnom penh坐大巴去siem reap其實都要4個幾鐘, 所以我地去到siem reap都已經入黑啦! 都叫做折騰左一整日先順利到目的地. 第一日就去左市集度行下食番個dinner同埋按左個腳啦! Day2就開始睇temple啦! 我地係豪華遊黎架!因為有好多人都會踩單車, 再唔係就會坐tuktuk, 但我地係坐私家車! 第一日我地都幾chur架, 因為要去睇日出, 所以4點幾要起身啦! 5點鐘左右個天仲係勁黑就已經到左啦! 首先就要影張相買張temple pass先, 我地就買左3日既pass 真係好誇張, 係勁多人都喺灘水前面等緊景個日出. 結果有雲, 純粹等到天光. 稍為喺附近行左一陣就番酒店小休一回再食埋個早餐!然後重新出發! 點擊圖片放大 其實我地呢2日最主要就係行左big tour同埋small tour既. 而第一日我都仲去埋比較遠少少既女皇廟 行啊行, 真係熱到核爆! 加上我無文化既程度其實除左女皇廟我係up得出個名其他廟我全部都唔知自己睇左d咩! 行上行落, 成個過程都幾崩潰, 其實就唔係話辛苦, 但真係好熱好熱!! 點擊圖片放大 +5 熱到lunch都冇乜胃口食, 只想飲杯冰凍既fruit shake. 行到5點左右就番歸啦! 每日最想就係沖番個靚涼然後再出night market食野同埋dup骨. 其實我個人覺得siem reap既夜市都ok有野買既. 我好中意買佢地d畫, 買左幾幅吳哥番黎做手信!! 仲有佢d Gap T Shirt, 我都覺得好好著!同埋東南亞好民族果d褲! 好好著, 好舒服, 又唔熱又可以包住唔洗曬到, 即刻買黎第2日著! Day3第2日就行small tour laaaa...呢一日就坐tuktuk, 所以...好熱, 熱到形容唔到咁熱!!! 但我個人其實比較喜歡呢一日, 多於big tour. 行既都係細既廟, 亦都比較集中, 又有番d樹, 比較起上黎好似冇咁單一 (因為係咁睇d差唔多既野都咪話唔悶!) 喺個旅程遇到好多小朋友, 其實佢地都好有才, 總係會令到你受唔住然後俾d野佢! 有一d好叻畫畫既小朋友, 佢地真係好有天分, 隨便就畫到好靚既畫! 我真係淨係睇佢畫都已經好佩服! 又有d語文能力好叻既小朋友, 識講中文, 仲會表演數1-10俾我地聽, 想我地打賞佢! 好彩既就係我已經準備定糖, 雖然我都知咁樣係唔好, 但都好過俾錢佢地既.... 而重點緊係係吳哥本人啦! 我指個窟...雖然前一日已經睇左, 但只係睇左日出, 係冇入個angkor wat入面睇 所以成個行程入面就以呢個angkor wat作一個總結! 睇完其實都只係大概4點左右, 見仲早司機就問我地有冇興趣去一個遠d既地方睇日落 既然有時間咪去囉! 點知最後去到又話要咩入場費這樣那樣, 總之就係俾佢呃左我地去啦! 仲要我地貼車錢添! 都真係幾狗, 不過我就當遊車河啦 -.- 番去沖個涼又出night market, 呢晚都係亂咁行下食下咁啦!!! 點擊圖片放大 +4 Day4我地就take it easy laaa....easy到下晝2-3點先出去行山睇日落!!! 朝早食左個早餐之後就去游左陣水, hea左一陣! 其實有時浪費下時間都幾好, 因為我個人慣左chur所以一般去旅行都係chur! 因為d人話好多人會上呢個山睇日落, 所以我地都早少少上去啦! 行上去唔可以話辛苦, 但都唔輕鬆, 特別係當你著住既係拖鞋! 勁多人, 大家互相加油下咁啦!!上到去曬住等左勁耐, 睇左一個爬文話一定要睇既日落. 個內心真係勁想講粗口, 因為呢個的確係我見過最不怎樣既日落! 加上我花既effort同埋流既汗我絕對覺得係可以去第2度睇囉! 最後一晚行呢個market, 做左個不怎麼樣既massage, 呢幾晚都不斷去同一個檔口因為有一幅畫我睇中左但唔捨得買! 最後檔主俾我誠意打動俾我講左個理想中既價錢! 所以結果我就抬住幅咁大既畫番hk啦!!! Day5就唔洗講啦!又係成日transit日!由siem reap番phnom phenh...喺機場食番個生牛肉河就番黎luuuuuu 其實柬埔寨真係一個好落後好腐敗既地方, 無論入境, 定係我喺郵局想買郵票寄明信片, 都遇到d唔誠實既人 想貪多d錢, 果種感覺都幾差. 當然做遊客少不免俾人呃下, 但係唔係咁囉. 東南亞好多地方都會窮, 但總會遇到一d好善良既人, 但呢個trip就好似係冇乜當地人信得過. 一個國家其實管理真係好重要, 好多人都會黎柬埔寨做義工, 或者捐錢捐物資黎. 但講真, 治標不治本, 當權者唔在乎, 只係貪圖自己可以過安逸既生活, 百姓就緊係苦. 吳哥四周圍都係一d語言天份好高既人, 真係嚇死我, 佢地講日文法文分分鐘好過當地人. 所以佢地唔係冇能力, 對呢個國家真係覺得好感慨, 佢地值得過得好一點 除此之外, 對呢度最大既感覺就係, 呢度真係好熱! 熱到一日沖3次涼, 流汗流到好似沖緊涼咁! 講真, 我唔係一個有文化既人, 一直都愛大自然, 不愛歷史 黎左呢度, 亦一樣, 果d好血腥既歷史背景, 高棉時期既統治, 我通通唔知. 但係我都好開心自己黎左呢度, 睇左呢d建築. 確實係好令人WOW 雖然我都幾肯定我唔會再黎呢個地方, (至少唔係去angko wat looo), 但我對呢個地方送上最大既祝福. 希望我有生之年可以睇到呢國人活得更好!!!
