講到底, 我黎到呢個天堂, 都唔係玩既, 係工作架麻! 好多人都覺得應該會冇乜野做, 而一開始, 的確係, 係冇野做到一個程度係完全唔知可以點樣kill time 一黎係根本好少客, 好記得有一日係淨係得3間房既arrival 二黎係太多我地呢d task force, 因為管理不善, 勁多人一齊黎, 跟住一齊走晒又唔夠人 我既工作最主要照顧客人既arrival同departure 入住其間一般都係由villa host照顧番d客人, 當然我地亦都會去下d餐廳見下d客make sure佢地開心啦! 更重要既人大部分中國人都同佢地自己既villa host溝通唔到, 所以就更加需要我地啦!! 所以我忙唔忙, 同多唔多客係有直接既關係! 但慢慢開始到暑假, 好多大陸人會一家大細黎, 就變得勁忙啦! 同一時間d task force又不斷咁走! 佢地一般留既時間都唔會好似我咁長!忙到未番工已經係咁接電話, OT做十幾個鐘一日! 而且呢度既人能力又冇咁好, 能者多勞就發生左喺我身上啦!! 一開始我都成日要出船去接客, 日日都來回機場! 其實都好開心架, 等客既時候好自由. 又可以喺個lounge度食下飲下. 有位好好既captain曾經開住架speedboat當係dolphin cruise咁帶我睇海豚! 超開心, 又勁刺激, 所以我都唔會好抗拒既. 之後慢慢就變左部門既in charge, 責任多左, 而好明顯亦都做得比原來既經理好, 以致我走左之後老闆成日叫我transfer過去! 但叫我掉低所有野去個荒島一年, 講真, 又真係冇乜可能囉! 而最特別呢, 就係我曾經帶過d客去對面島參觀同埋喺自己島上認識生態環境! 最主要就係幫手做翻譯, 因為d中國客真係一個英文字都聽唔明! 點擊圖片放大 +2 呢度其實做野都好被動, 受到好多因素而影響, 當然最慘就係d客! 內陸機成日都delay, 一delay就幾個鐘, 好幾次有客人都趕唔上自己既international flight, so sad. 又或者, 等到勁燥, 而好明顯我地都控制唔到, 因為其實我地比d客更加心急, 當然啦, 佢地發脾氣, 就發喺我地身上麻! 又會有d客嫌自己villa host唔識講中文, 大佬要講中文麻煩你就唔好出國啦! 又會有客嫌d米唔好食, d中國菜又唔夠中國味, 真係同佢講多都side氣! 但當然, 亦都會有好開心既時候啦, 呢個世界都仲有好多人識感恩既, 去到咁遠有個講自己語言既人, 好多客人都會好開心! 而佢地開心, 我都更加開心啦! 點擊圖片放大 +2 喺呢度, 我亦識左好多好好既馬代同事, 其實佢地都好有幽默感! 對於佢地黎講, 所有野都好簡單, 而佢地可能有d似流氓, 但其實佢地都好可愛. 有一次公司outing我地去左個荒島, 就充分發揮左佢地既男人味! 佢地野外求生能力實在太強! 釣完魚又自己煮, 自己用有限資料將塊爛地佈置得有情調, 成個trip計埋我得2個女仔, 完全都係咩都唔洗做! 都真係好爽皮! 而果一次, 去既呢個荒島, 真係好靚好靚! 我都知自己有少少被抽水, 但有位男同事拖住我一齊浮潛既時候, 我真係覺得可以喺咁清咁靚既海暢泳, 我真係好幸福! 喺呢度除左一星期番六日工外, 好明顯我係有一日休息日啦! 呢一日, 都可以過得好充實! 可以喺酒店用某d設施如kayaking, 去某d地方活動例如有一個唔係好靚既staff beach, 有特定既浮潛位置. (我見到海龜!) 亦有機會跟潛水中心出活動例如我曾經同佢地出去外海浮潛(又睇到幾隻海龜), 又出過船睇海豚! 我仲有跟過conservation center做一d保育活動例如去種珊瑚! 其實都幾辛苦架因為好大浪游到我想死 (冇得著救生衣), 係咁同d浪搏鬥! 我地宿舍亦都有gym, 我我會間唔中做下架, 始終少d女仔, 我去到都會有d大隻佬教下我做運動架! 仲有呢, 就係參加過酒店spa搞既meditation course, 當然係喺勁正既環境對住個大海meditate啦! 雖然我就好眼訓, 但都係一個好好既experience! 更唔少得既就係用半價做番個勁嘆既spa! 平時成日叫d客去做, 到自己做果陣, 真係爽皮到嗌出黎啊!雖然半價左都仲係好貴, 但係, 點都要一試啦! 其他就當然唔少得去對面島玩啦, 只係一個普通人住既民居島, 但D水都係靚到不得之了!真係冇得輸!! 仲有一次, 有個同事overnight當更, 知我放假特登車我去睇日出, 超開心! 雖然日出唔算好靚有d雲, 但佢心意值一百分! 點擊圖片放大 但係為左之後儲假去玩, 中間都曾經做到好鬼chur, 連續好多日都要番工! 番好多個鐘! 要教好多新人, 大部分人都靠唔住, d中國同事又好中意搞事搞非. 有一段時間都好失落, 好沮喪, 好冇動力, 好委屈, 有苦自己知! 不過無論如何, 有得必有失, 無可能事事順利, 有d位亦好嬲公司 (係都唔俾我喺果度用staff rate訂房, 諗住可以自己同朋友臨走住番幾晚villa, 勁無奈!) 但始終我都係黎打工, 所以辛酸呢d野, 一定有! 最後, 當然亦只會留下最美好既回憶啦! 其中一樣最特別既野就莫過於佢地既Ramadan啦! 呢樣野其實聽就聽過, 但確實係點呢, 就真係體驗過先知啦! 佢地果一個月, 就真係日出後就唔食野(飲水都唔得!), 直至日落, 而當然我地就可以照常過我地既生活啦! 但為左尊重佢地, 我地亦都唔可以喺公眾地方飲食, 為免誘惑到佢地! 而一到日落既時候, 公司所有同事都會去晒canteen食野! 因為佢地已經餓左一日, 所以酒店餐廳開放時間都會adjust左d去就番佢地工作既時間!! 而佢地亦都會特登天都未光就起身食左一餐勁既先至開始佢地既一日! 我, 亦都喺呢個情況下, 學識左breakfast既意義, 原來就係break the fast咁既意思 (fasting係禁食既意思, 所以break the fast就係停止禁食啦!) 佢地對自己宗教既堅持真係好令我佩服, 每年一個月! 我真心唔想咁做, 因為真係會好餓! 而且咁熱既天氣水都唔飲得, 仲要做野添, 所以一般呢個月好多人都會需要請病假, 身體真係未必頂到! 當然啦, 亦有人會偷食, 我都唔知, 但係有都一d都唔出奇啦! 最後, 就係馬代小tips. 根據我既經驗呢, 去馬代最好就有至少五日四夜, 係唔計來回transit既時間, 可以有4晚喺resort! 頭尾冇左2日啦! 中間得3日可以玩. 夠就唔會好夠架啦, 可以去睇海豚, 釣魚, 浮潛, 深潛, 做spa, 齋hea. 活動其實大致上都係呢d, 當然有本錢就留幾耐都得啦!黎到呢度, 每一分鐘投足舉手都係燒錢既機會! 而住方面呢, 我個人強烈建議要試下唔同既房type! 例如頭2晚water villa後2晚pool villa/beach villa/tree house 真係沒有最好只有更好, 每一款房都有自己特色, 我個人就真係揀唔落手啦, 因為各有各好, 而亦都好個人既! 有面對勁大浪既indian ocean亦有面對平靜既內海, 睇相實在好難決定邊樣好d! 如果可以, 真係請大家去到要求睇下唔同房, 只要酒店有房available, 佢都會歡迎你到時要求住唔同既房type既! 咁就可以滿足你唔同既需要啦! 反正執野轉房都唔係好困難姐!
