機票平, 有自己酒店住 兌現自己年年同屋企人去旅行既承諾 2013年1月31-2月3日 自己去旅行就可以電波d, 但同啊媽一齊緊係要坐的士啦, 快捷又方便到左酒店, 感覺非常良好, upgrade左間房, 非常咁舒服, 本身只係諗住喺sentosa住2晚最後一晚住番出黎 但係因為呢度淨係個view都令我好捨不得, 所以就算遠左d都要留喺呢度啦, 反正其實新加坡都唔係好大MRT又方便! 第一日分別約左兩位新加坡朋友 第一位朋友陪我地行左一下china town, 帶我地買出名既豬肉乾, 仲車我地去meet我地下一位朋友 而第二位朋友就同我地去左個local market度食dinner 仲車埋我地番去添, so nice! Day2老人家早起身, 我同佢食左個早餐之後仲喺酒店同佢打table tennis 之後就去universal studio啦!一開門就入去啦, 所以玩到3點零鐘就玩晒成個park啦!! 最開心就係可以同shrek & fiona影相! 仲有transformer同埋mummy都好好玩, 連我啊媽都中意玩啊! 仲玩左2次添! 其實個park細細地都幾好, 唔會玩得好辛苦! 玩完番左酒店行下沙灘休息一陣就出附近既mall買下野同埋食dinner啦! Day3照舊同啊媽打左陣波就出去搵食, 新加坡真係熱到high high, 曬到喊 冇乜方向感既我搵左一陣先搵到我想食既海南雞飯, 辛苦左老人家仲搞到佢有d唔高興 之後去潮左一下聖睇魚尾獅, 就出發去好遠既動物園 都算幾大幾多野睇, 行下抖下坐下車睇下show, 好快就到夜晚啦! 稍為食左d野, 就去埋night safari啦. 就喺隔黎. 其實都係睇動物, 不過就唔洗行, 雖然夜晚黑媽媽都唔算睇到好多野, 但都算唔錯, 最緊要有得坐又唔熱 玩左成日其實都好攰啦! 番出去搵左個night market食左d野就番去啦! Day4, 其實都只係出左個mall食左d野買左少少野, 其餘時間都喺酒店, 之後就出機場luuuu 雖然喺公司成日有客請我地食, 但去到機場都緊係要買番2個班蘭蛋糕番香港俾屋企人食啦 :-)
