生日唔喺香港過, 成為左我既嚮往 我好怕過生日, 因為我冇安全感 我怕自己有expectation, 所以我寧願自己為自己安排左去旅行, 起碼唔洗擔心生日冇野做冇人約. 上年生日喺珠海, 公司training渡過, 今年見有假, 可以去個遠少少既地方啦!!! 左度右度, 想去北海道或者土耳其, 諗左好耐, Turkey啦, 好似會平d!! 萬分不願意跟團, 同友人諗左好耐, 都係屈服了, 一個長假期係需要充分既計劃, 而我真係冇時間去做呢樣野. 加上土耳其地方大, 有好多交通住宿要安排, (其實係一個字懶), 所以做左呢個非常不情願既決定! 2012年11月2-10日 係2號既零晨機, 當然1號番工就帶埋個喼啦! 喺公司沖埋個涼, 再卸埋指甲油, 乾乾淨淨咁出發! 要坐好耐飛機, 因為首先hk-bangkok, 唔洗落機, 等上完客, 就去dubai stopover, 再轉機去istanbul 真心坐到人都癲! 而更差既係, 喺dubai仲要delay, 所以浪費左一d時間! 不過呢d野都冇人預計到既! dubai機場真係好well developed, 我地落機時我記得係早上四點, 勁多人, 所有商店都好繁忙! 勁! airline俾左d餐券我地, 我地都係求其食左餐M記! 到istanbul既時候已經入黑啦! 食左個dinner就番酒店啦! 落住少少雨, 原來istanbul既11月都已經好凍! Day2 呢一日係喺istanbul遊覽 首先係自費活動坐船遊博斯普魯斯海峽海峡, 其實就係好遊客觀光既性質, 個人認為可以不去 但係唔去喺果度附近又冇乜野好做, 所以屈服左 佢最特別就係是一個介於歐洲同亞洲之間的海峡! 之後就去睇Blue Mosque & Hagia Sofia 其實我就不嬲對呢d建築除左"嘩好靚啊"之外都冇乜comment, 而歷史背景亦都冇深入咁探討 由於土耳奇係muslim國家, 所以Hagia Sofia既真實用途都變左做個mosque anyway, 呢兩個地方都係必去既景點, 雖然我應該唔識欣賞, 但我都覺得好靚 之後再遊埋呢個我都唔記得咩地方, 喺海峽旁既一個地方, 行完之後就離開istanbul啦..入住一間小旅館 點擊圖片放大 +3 Day3去到國父紀念館參觀, 咁岩有唔知有咩大人物駕到, 所以保安好嚴謹, 仲有大班群眾添 果日天氣好好個天好藍, 正! 唔知係咪因為離開左istanbul, 呢度既本地人見到我地都好好奇, 仲爭住同我地影相添! 之後就繼續向下一個景點即係Cappadocia前進啦! 途中去左一個呢個trip入面我覺得最靚既地方(唔係其他景點唔靚, 但呢個真係好似天堂咁) 係我第一次見到鹽湖, 實在太驚喜啦, 而且佢亦係有少少水既狀態, 有d reflection, 好靚, 靚到唔捨得走! 而第三日既highlight, 除左呢個鹽湖之外就係我地認識左我地兩位年紀相約既團遊, 由呢一日開始我地就由2人行變左4人行啦! 參觀埋洞穴我地就到酒店啦. 呢幾日喺土耳其既飲食其實都係好乾既雞,類似naan,豆湯, 一般黎講揀飲擇食既我都食唔飽 但因為友人太了解我,佢差唔多左半個喼都係零食黎滿足我, 仲有我最愛既檸檬茶哈哈哈 呢一晚都係喺酒店自助晚餐, 稍為比之前好d! 點擊圖片放大 Day4又黎到另一個highlight, 就係喺Cappadocia坐熱氣球! 所以天未光我地就要起身啦, 而家呢度冇太陽真係會好凍, 真心眼訓!不過呢一切都值得既! 好多人一齊天黑黑等坐熱氣球, 貴就貴d, 但最緊要安全, thanks god當時仲未有墜毀既新聞, 如果唔係都幾淆底! 由一個個訓喺地既氣球, 慢慢打氣變到可以飛上天, 其實個籃都幾高所以我咁矮既身形上去都幾論盡! 上到天其實都冇乜心情欣賞Cappadocia啦, 成團有廿幾人一齊係咁影相, 大家都好興奮, 其實真係好逼, 但大家都互相幫忙> 非常好, 漫天波波, 真係好有feel! 仲睇埋日出添! 感覺玩左好耐, 而著落都好正! 好勁可以著落喺架車上面! 落到車有証書有香檳哈哈!! 之後番酒店稍作休息同埋食早餐我地就出發參觀奇石林啦啦!呢一日太早開始, 所以感覺好長! 去左唔同地方睇呢d石, 真係好神奇, 大自然既鬼斧神工, 呢d係由火山爆發後形成既奇石! 而有d人就用左呢d石黎做屋企, 教堂, 地下城市等等, 呢個奇石林一日精華遊就由仙境煙窗作為完美既總結 very impressive 而呢晚, 仲有夜生活添啊!就係去洞穴夜總會睇民族舞, 呢個轉轉舞真係嘆為觀止, 亦成為我土耳奇一個好重要既回憶. 當然, 又邊止咁簡單丫, 少不免有邀請團友出去跳既環節, 都係拖住手仔轉下圈圈咁, 點知無啦啦要跳GANGNAM STYLE. 真的輸了, 黎到咁遠都係呢首! 點擊圖片放大 +4 Day5最主要呢日都係趕路日, 出發去Pamukkale, 途中食終於食到一d當地既食物! 雪糕yoghurt都係出名既, 個yoghurt真係好好味! 之後再去左個地下棉花堡, 我地就番酒店啦! 呢間酒店係溫泉酒店, 所以地方好大. 我地食完dinner都有出去浸下腳, 夜晚睇星星好開心, 仲見到流星添! 飲住檸檬茶, 食住零食, 一邊吹水, 好寫意! 呢晚真係好開心, 迎接我既生日, 我覺得呢個好平靜既生日過得好開心! 點擊圖片放大 Day6, 棉花堡半天遊, 先睇一個好廢既小棉花堡, 冇乜野睇 然後就係我最有期望亦都最失望既棉花堡 第一天氣唔好啦, 第二有d乾, 唔夠水, 所以感覺同睇相好唔同, 我相信亦都因為太多遊客黎, 所以令到棉花堡開始唔白啦! 黃咁咁, 又點會靚wo! 不過點都好一都係一個好值得黎既地方, 因為好特別, 同埋我相信都唔係好多地方有咁大型既鈣化池! 之後同佢講byebye啦! 原來唔知幾時俾領隊知道左我生日, 所以佢就安排左個生日蛋糕俾我啦! 其實好唔好食靚唔靚都唔重要, 心意就好足夠啦! 仲有全團大合唱添, 我真係喜出望外. 下晝就參觀以弗所古城, 導遊一邊解釋, 我就一邊picturize以前呢度既人喺度既生活 好似中學讀緊西史咁!可惜, 我最後係揀左理科的. 點擊圖片放大 +3 Day7呢一日好凍, 因為太陽不見了, 而且好大風! 大風到由原本坐纜車去巴格門古城, 變做坐的士.. 上面d風大到吹得郁我架, 凍到想喊! 拿拿聲行左一個轉就買d手信然後走人啦, 真係頂唔緊! 之後就去Troy啦 其實呢兩個古城都冇以弗所保留得咁好, 而Troy更加係冇乜野睇! 夜晚去左Canakkale一間酒店, 係另一間我好中意既酒店, 行出去就係海灘, 非常正! 其實好想出去行下, 但因為真係太攰啦, 好眼訓!!! 之後聽番d出左去既團友形容真係好後悔冇出到去買野! 點擊圖片放大 Day8呢朝因為要趕路, 勁早要起身! 食早餐既時候我就快快食完出左海灘睇星星, 真係勁凍, 但唔理啦! 個星空實在太靚!太好彩啦, 又睇到一粒流星 :） 坐車去碼頭, 旅遊巴亦會上埋架船, 橫跨達達尼海峽番istanbul 行埋杜柏奇皇宮就去最後一個景點grand bazaar, 時間太少啦, 都唔夠我買野, 所以都冇買到d乜. 之後就坐飛機番香港啦!!! 小插曲就係, 我地為左洗晒d lira佢, 喺機場度買pizza食!點知效率勁慢, 到finalcall都仲未拎到.... 我地喪跑去個gate點知d crew話我地太遲, 勁無助點知原來佢地同我地講笑 -.- 完全唔好笑囉, 但上飛機果下真係好懦皮, 為左件pizza差d上唔切!!! 土耳奇戰利品就冇乜,行士多俾d好可愛既果汁吸引住左 而我最中意既就係d彩色既碗, 買左好多黎做手信 仲有好多人會買olive oil handcream, 無花果乾, 土耳奇紅石榴茶,土耳奇杯, 仲有藍眼睛啊!!! 呢個地方其實都好值得去, 不過去一次就夠啦 : ) 而呢個旅程最豐富既收穫就係兩個一見如顧既朋友 很難得, 只係兩年時間, 我地就一齊去左4次旅行啦!!
