2012係好特別既一年 一個一個unexpected既旅程, 走左俾比自己想像中更多既路 友人D & L突然話下個星期去旅行, join唔join? 有假咪join囉, 結果, 毫無難度! 2012年9月8-11日 登機過程已經好蝦碌,諗住咁近就可以慢慢啦, 影下相先, 點知去到個gate先發現改左, 急急腳趕到去, 嚇死人咩. 去過咁多地方, Bangkok呢個咁popular既地方反而係第一次黎! OMG, 呢度既immigration係我見過最長架! 真係嚇死我, 到底係真係有咁多人定係效率...呢? 我唔知. 不過都係果句, 如果一個人等真係好難捱,但有3個人, 就會好容易喺歡笑聲中渡過啦! 的士完去酒店就快速咁出門啦!因為我地要食好多野同埋做好多massage! 第一站就去左Siam食左個"lunch",然後就喺附近既Soi4(應該係)食Mango Tango, 必須要講Bangkok真係一個濕毒之旅! 呢4日食既芒果真係不得了! 食完行下又夠鐘食dinner啦! 生蝦,冬蔭功啊!諗到都想食!! 食完就要為Day1做個總結啦, 就係dup番個骨先!!真係好中意thai massage, 好有heart唔會求求其咁! 點擊圖片放大 Day2 一起身就喺酒店附近食左個冬蔭pork做早餐, 真係好重口味!出發去chatuchat! 真係超。多。人 人多車多, 個停車場已經勁大, 但係係滿架! 好誇張! 呢一日又超級熱, 真係行到個人傻左啊! 不過我完全買唔到野, 淨係postcard!! 行到咁攰, 咁就要做番個massage啦! 番左siam按啊按, 呢種生活真好! 坐tuktuk去chinatown食個early dinner. 其實tuktuk真係唔抵坐, 又要吸廢氣同埋食塵. 但係我自己好中意坐tuktuk既感覺. 人就係有少少犯賤, 不過當然成個trip都只係搭左呢一次. 其實時間都係地鐵/的士, 的士其實比地鐵抵搭! 不過要塞車, 但懶過隻豬既我寧願喺的士入面塞都唔想地鐵要上上落落! 食完海鮮就行下, 買下信仲有最重要要食最正既街邊芒果糯米飯, 仲追加左榴槤, 連平時好少食既我都覺得好正啊!! 行完都係8點幾, 所以之後就去左行Asiatique! 都係2012年四月先開番! 都算幾好行既, 而且夜晚行又舒服d! 雖然我地都係冇買野, 但就喺果度做左個指甲. 間鋪就幾靚啦, 不過質素麻麻! 有點失望! 點擊圖片放大 +2 Day3 去旅行係可以放縱下自己, 呢一日, 訓到日上三竿, 12點先出門口! 同我平時去旅行既風格好唔同 第一件事緊係開餐啦! 去左水門食雞飯, 好出名既粉紅色衫雞飯! 好唔好食呢樣野食好個人既, 我就覺得名過於實. 再唱多少少錢, 就周圍行下啦, 其實成個trip最主要買左d boots, 零食, 得意耳環仔送俾人都冇點樣買到野. 點解買唔到野架T.T Anyway, 繼續食食食!!朋友係都要試果d奇怪樣既街頭小食, 結果就係似雞蛋仔既外面包住椰汁糕既入面. 3個人一齊都食唔晒, 最後... 之後繼續食, 呢間野我地經過左幾次, 次次都幾多人排隊, 見左個CNN介紹, 我地就叫佢做CNN. 好似好堅咁, 所以我地就決定要食啦, 食呢餐既時候已經係4點幾接近五點啦! 呢個時候食都係等左一陣, 入到去, 火都黎埋, 佢帶我地上樓上, 空既!!!!!!!!!!!!!!!!!!! 得幾枱有人坐, 點解要我地等咁耐喎! 你serve唔切等我地入黎坐住等都好丫... Order左4個dishes, 野食就都唔係話真係好特別咁, 所以可以話俾佢昆左. 之後都幾漫無目的咁行, 行行下仲撞到我地做空姐既大學同學添! 好不經意地, 我地發現左我bangkok朋友介紹既一間餐廳, 叫Limoncello. 一場黎到冇理由唔食掛, 所以就唔小心咁行左入去, 當時係8點, 我好清楚知道自己仲好飽, 而友人們都係. 所以行左入去簡直係鬼um眼 lol 呢間野係Italian restaurant, 我地就只好係咁e order左1個appetizer + pizza. haha, 好彩overall都算幾好食, 而我同女友人就一直俾其中一個靚仔鬼仔食客吸引住左. 其實我地食得落呢一餐, 真係要用好大既勇氣, 因為真係真心勁飽.幾乎要扣喉先食得落啦!! 行下商場就番酒店啦, 男友人話好想去一間rooftop bar, bangkok最高最正既地方. 咁11點幾同佢番酒店換番對鞋就出發啦, Sirocco距離我地酒店都唔遠, 所以我地行過去就ok啦! 去到, 最慘痛既經歷, 男友人俾人拒絕進入, 因為佢著既食一條短褲而呢度有好嚴謹既dress code. so sad, 最想去果個冇得入, 其實我地都諗住走架啦, 但佢又話一場黎到叫我地兩個上去飲杯野! 所以我地就上左去! 可能香港夜景太靚, 上到63樓既Sirocco其實都唔夠Ritz Carton既Ozone靚! 不過人地個skybar就開揚d既. anyway, 總算到此一遊啦! 點擊圖片放大 +4 Day4, 都冇乜特別好講啦! 離不開食, lunch去左我bangkok友人介紹既Harmonique, 係好有情調既一間thai restaurant. 之後去左個好似旺中咁既商場, 行下再食下就走啦! 坐的士時我地都好攰, 訓到傻左! 到機場繼續都係食!哈哈, 用晒d錢佢係咁食!買埋個芒果糯米飯番hk俾屋企人食就大大滿足了! 呢個旅程random得好冇壓力, 而且冇趕景點既累, 不過當然啦, bangkok就係hea住食hea住thai massage. 我好中意呢次旅行, 不過我都係prefer大自然, big city真係唔係my cup of tea
