繼3月cebu之旅, 對果片大海念念不忘, 開始研究更多陽光與海灘既地方 由於公司間酒店實在太靚既關係, 我抗拒唔到呢個誘惑, 所以心動不如行動, 去啦! 2012年5月21-24日 就算係時間咁短, 都阻止唔到我 7點已經去到機場啦, 因為要去長灘島, 必須經歷好長既旅程, 唔早d出發, 真係有排都未到! 首先要喺Manila轉機, 為左省減旅費, 我地選擇左飛去Kalibo, 而非Caticlan, 即係話到左Kalibo仲要搭多2個鐘車. 仲未完架, 需要再坐船再坐車先到酒店 (其實有酒店speedboat可以直接喺Caticlan送到酒店, 但我又點會洗呢d多餘錢呢? 去到酒店, 已經係夜晚6點啦!哈哈哈哈!!!總算勉強睇到個靚日落!! 雖然呢間酒店既同事幫唔到d咩手, 但基本上呢度既房已經好靚! 喺酒店食左晚餐, 再去個超級正既Bar度飲cocktail, 真心覺得雖然路途艱辛, 但好值得! 其實只會喺呢度住一晚, 第一係因為雖然有員工價但都唔係好平, 第二係因為住喺white beach會方便d! 所以, Day2我地留到3下晝點先出去, 成朝就係享用酒店設施, 喺沙灘椅上邊飲邊食邊訓, 真心嘆!可惜天氣唔算最好! 但唔小心訓著左之後, 起身已經黑左d啦!!!唔捨得呢個resort, 但都不能夠齋嘆, 搵到我地住既地方, 以我慳既本性, 緊係住station3啦! 係冇咁方便, 但平丫麻! 安排埋Day3既行程, 我地就出white beach啦!!!好靚啊!!!呢個沙灘好長, d水好靚, 個天好靚!!! 再arrange埋我地既潛水, 係我既第一次!! 差唔多sunset既時候, 就揀左架蜘蛛船去sunset sailing, 但又有d雲, 所以都唔算好靚, 但真係好舒服架!! 之後就行white beach啦, 夜晚好熱鬧, 好多Bar, 又買下手信咁啦, 仲有緊係唔少得massage同埋mango shake 啦! 超中意果d手畫鎖匙扣, 勁靚!而呢一檔, 佢叫andrew, 我覺得佢比任何其他人都有誠意! 點擊圖片放大 +2 Day3首先係discover scuba diving, 亦都係我第一次心肺潛水. Instructor所有野都好好, 好順利, 一開始都真係有小小驚, 因為我一直都好怕水, 但又好中意玩水. 加上我仲係未識踩水, 內心真係有小小擔心, 但落到去,發現海底世界好寧靜, 每種生物都有自己崗位. 好中意呢種感覺, 係一個完全唔同既世界. 海底影左相拍左片, dive shop燒埋隻碟俾我地 (勁灰, 番到屋企發現佢燒錯左, 全部都係男人黎既 T.T) 下晝就去island hopping啦天氣好好, 晒到不得之了!所以個藍天都好靚! 首先去Crystal Cove, 呢個小島都好靚好原始, I like it! 然後又係snorkeling, 船家係2個賓仔, 我地係2個女仔, 佢地都算好照顧我地 (有d over) 照顧我果個呢, 好鼓勵我除左件life jacket去snorkeling, 其實我好驚, 因為我真係唔識踩水, 有d咩事真係唔知點算. 但我又覺得我真係要試下, 所以就豁出去啦, 原來都算ok, 加上呢個賓仔一直都喺我隔黎, 我諗佢擔心過我. 我唔掂果陣真係禁住佢..哈哈! 點擊圖片放大 +3 最後一日啦, 四處行下就要出發啦! 呢度真係風景如畫, 用電話影出黎都會好靚! 又要踏上大長征啦! 但係我好開心我選擇左黎呢度, 呢度真係一個隔絕左既小島, 好想喺度住啊! 大海, 我要同你做好朋友!!!
