因為幾年前既人質事件，令呢個國家變成香港人禁忌 基於旅費,住宿,機票呢幾個因素, 我最終都決定左黎呢個地方 2012年3月27-31日 坐既係cebu pacific既凌晨機, 去到已經係4點啦! 坐的士去酒店(記住唔好坐黃的, 要坐白的, 黃果d貴d架, 我諗得遊客坐!) 好多謝cebu同事幫我安排左可以入住(唔洗俾多一晚錢) 更開心既係, 仲升等左套房, 真心唔話得! 好記得呢晚喺露台睇左一個無敵靚既星空!原來4點幾既天空係咁樣! 訓番夠先起身啦, Day1都係hea下然後出去行下SM Mall食下野咁! 只住左一晚就走啦, 因為Day2我地就出發去Bohol 其實個距離就好似香港去澳門咁, 大概一個鐘船程就到啦 有好多司機喺碼頭等生意, 而我地都求其上左一架車去我地住既地方 - Bohol Bee Farm 其實Bohol有好多住宿, 最主要就係along Alona Beach, 因為我會喺呢度2晚, 所以就想體驗下唔一樣既地方 加上呢度好多positive comments 一路上 司機都會叫你租佢架車去tour, 而為左省卻麻煩, 我地都約左佢聽日車我地去玩\ 其實去到Bee Farm都已經係下晝架啦, join左佢一個farm tour 佢介紹下唔同既植物生態環境 當然唔少得佢d Bee啦, 大家都可以好似呢位女士咁拎住一板Bee影相, 咁我都有啦, 其實都冇乜好驚. Hea下享受下呢度既寧靜, 做下massage, 去海邊睇下海, 食埋Dinner, 睇下星, 好早就休息啦! 呢一日都算好Chill Day3既tour, 其實我地包左架車, 去邊都好flexible既 最主要都係想睇Chocolate Hills同埋Tarsier 其他咩睇church, butterfly garden果d等等其他都可有可無, 叫做到此一遊咁囉! Total都要4-5個鐘架, 完左我地就去Alona Beach啦, 呢晚住喺海邊既一間hostel,都唔貴 我好中意Alona Beach, 其實都算幾well developed, 所以好tourist friendly 排左Day4出海, 搞掂晒就隨意行下, 然後喺沙灘上做massage, 以為會好爽 但始終喺沙地上, 其實唔會舒服得去邊, 條頸好辛苦 Alona Beach有好多seafood restaurant, 夜晚就會開晒檔BBQ咁, 呢晚食左餐很不錯的! 當然仲有我最愛既mango shake啦! Day4勁早要出海啦, 因為要睇海豚! 仲見到個日出時好靚既天! 而海豚, 當然見到啦!勁開心!!因為佢真係就喺你架船前面, 勁近!非常值得啊! 睇完就去island hopping啦, 第一個island我都唔記得叫咩名, 可以snorkeling有珊瑚睇! 我個人睇左一陣就頂唔住, 菲律賓個海好wild, 太大浪我超級暈, 所以放棄左, 去曬太陽啦! 下一個島係virgin island...真係無得輸! 淺灘所以真係碧綠架! 仲有d海星, 好岩影相, 果下真係覺得好靚啊! 成日俾我既感覺就係, 菲律賓既大海真係好靚, 靚過沙巴好多 因為菲律賓係千變萬化, 你會見到好多唔同色既海, 每一個樣都好靚, 海水又好清! 對於平時見開維港水既我, 真係覺得好靚! 點擊圖片放大 +2 番番Alona Beach其實只係1點左右 (因為我地5點幾已經出發), 已經好攰啦! 執埋d野沖個涼, 再去dup左個骨, 就番Cebu啦, 番到酒店又已經10點幾. 而我又得到一個更大既驚喜, 今次間房, 係一間再靚d既suite!! 仲有, 房間入面有一份禮物, 包括手鏈,書籤,電話繩,公司T SHIRT 係呢度既同事安排俾我架, 真心好surprise, 因為夾唔到時間所以我地見唔到面, 但佢都咁用心為我準備 其實安排左間咁靚既房俾我我已經好感激架啦, 仲做多咁多野! 今次呢間房唔止再大d, 仲有一個L字形既露台, 太可惜我地只係住一晚 Day5我地除左享用下酒店設施, 就出左去另一個mall, 買左d手信芒果乾同埋飲我最愛既mango shake! 呢個cebu之旅就好完滿咁結束 所有野都超乎我想像, 我亦對菲律賓既海有左一個情意結 愈來愈中意喺大海航行既感覺, 好自由, 好似融合左喺天同海咁
