事隔一年 就決定要番黎啦 好似有d傻, 但既然自己遇到好野, 都要見屋企人分享架 呢次就同媽媽哥哥一齊去 2012年2月28-3月3日 行程大致上冇咩分別 同上次一樣, 放工去坐夜機, 去到已經好夜, 當然, 接我既人已經等緊我 去左night market到食我最中意既馬來燒雞翼, 我地就番酒店休息啦 第二朝一早, 我最愛既J黎左接我地出去食早餐 然後我地就出發去Sapi啦! snorkeling, para sailing同埋banana boat都玩左, 意比我想像中好既就係, 我啊媽都玩左! 哈哈, 其實佢都算wild架啦, 五十幾歲,同d後生一齊咁玩發, 真係幾好笑, 而且佢又唔識游水 不過點都好, 有我同哥哥照顧佢丫麻! 而意外通常就係發生喺d最冇準備既人身上, 即係我 香蕉船被拋出既時候, 我就好順利咁同哥哥發生左撞擊, 結果好明顯, 我爆晒江 然後, 我第一日去玩已經得到一粒好巨型既飛滋 說好的海鮮餐呢? 如果mok殼啊!!!!海鮮, 當然就當晚即食啦!!! 而殼呢d野, 好死架姐, 就唯有哥哥代勞, 我就可以肉來張口啦! 點擊圖片放大 落左海一日, 就上山啦! Day3我地去左神山公園, 山就緊係冇上到啦, 喺山腳行下喳 唔好講笑其實都幾金架, 因為佢完全唔係石屎路, 有時d級又勁大級 不過當然都只係BB班既難道啦 果度仲有個溫泉架, 求奇浸下就番出去啦 呢晚先左佑記肉骨茶! Day4一早就去左激流!係啊, 媽媽都可以玩, 即係唔係好激啦!哈哈!其實最緊要都係自己肯嘗試姐. 最難就係踏出第一步, 之後既事就會簡單得多架啦! 下晝之後係我既自由活動時間, 安排左哥哥同媽媽睇螢火虫, 我就可以自己喺酒店hea下啦! 亦都因為之前喺珠海認識左沙巴既同事, 所以呢一日就同佢地聚舊. 其實之前有一晚已經有2個同事揸左45分鐘車黎同我見一個面架啦, 我真心多謝佢地既好意 Hea下hea下, 有一個同事放工, 我就先去左佢屋企, 然後先出發去dinner, 呢晚食左我一直好想試既little Italy. 之後仲去左食甜品, 呢晚過得好開心, 成晚都喺歡笑聲中度過. Day5亦都係最後一日, 只係行下city center + 食左個雞飯, 我地就番香港luuu 亦都收到一個大驚喜. 當然checkin完過左immigration之後, 我2位同事text我問我喺邊 原來佢地想俾個驚喜我去機場送我, 點知我俾番個更大既驚喜佢地就係我已經入左去 佢地唯有話俾我知佢地到左! 其實就時間尚早既, 得到機場職員同意之後我就去番大堂meet佢地 真係好感動, 佢地準備左一d特色禮物俾我同埋公司T Shirt, 非常有心意! 佢地每次出黎都要揸45分鐘車, 真心辛苦佢地啦! 雖然同上次個trip大致上都係差唔多 但係能夠將自己中意既野同屋企人分享係一件好幸福既事 而且有好多熟悉既面孔, 有來自唔同朋友既受愛, 我覺得好滿足, 好幸福 旅行就係咁, 就算係同一個地方, 總會俾到你意想不到既驚喜
