心動不如行動 要見番珠海既同學仔, 其實都唔係一件咁難既事 近近地去武漢, 探最羞澀丫最窩心的她 2012年1月14-16日 孤身坐高鐵去武漢, 首先油麻地出發坐大巴去廣州南站 好可惜, 已經錯左 傻傻下喺祈福新村落左車, 好迷茫 , 仲要落住雨 -.- 諗住算數坐的士去番南站, 點知有黑車黎問我 我又傻傻下咁上左, 其實我可以就咁消失左喺世上 但好彩好事都係會發身喺我身上, 唔單止送到我去南站, 佢仲話要俾把遮我 不過佢既好意我心領啦, 反正我都到啦 沿路, 見到有落雪, 唔知武漢有冇咁凍呢? 友人因為番緊工既關係, 派左佢既友人黎接我去酒店 我緊係住番公司酒店啦! 而我到酒店既時候, 佢都喺大堂等我啦! 佢準備左一d小禮物俾我. 佢都差唔多收工啦! 所以我地就去dinner啦!! 武漢其實都好凍啊!!!食完飯就四處行下, exactly行左邊我就講唔出啦! 但友人話我知武漢就係一個滿城挖既地方, 大搞建設, 但似乎就唔係好得人心! 第二日就正式到處遊覽啦 去左戶部巷, 果度有好多street food, 係一個小小既market, 仲坐左船過長江 之後meet up埋佢另一位友人, 我地就已經諗唔到去邊啦 (因為我對typical既景點都冇乜興趣) 去左KTV, 夜晚就行左一個好洋氣既地方行下 然後呢晚佢地兩個都黎左酒店陪我訓, 其實同朋友一齊, 咩都唔需要做 靜靜地交心, 呢個時刻, 更加可貴. 而佢地對我既好, 我都好珍惜 好快就到最後一日啦, 佢地帶左去佢地之前讀既大學, 而佢地就係住喺果度入面既住宅 環境, 比我想像中差, 同我屋企一樣係行樓梯既, 而佢地都堅持幫我將行李拎上去 其實真係唔知點解, 佢既生活明明就比我差, 但佢會毫不猶疑咁要將佢最好既俾我 有時真係解釋唔到, 而呢種解釋唔到既好, 非常珍貴 最後呢一日, 佢選擇左包餃子俾我食!!或者對於佢黎講, 我特登為左佢黎武漢, 呢d就係佢可以為我做既事啦! 而我既旅途, 又點會咁順利丫 夠鐘去坐高鐵走啦, 點知...等極都冇的士 終於等到一架啦, 淨番20分鐘架高鐵就開 司機已經幫我頭文字d咁開車架啦 落車跑到我死都冇用啊, 都趕唔到 我又好順利咁miss左班車啦, 好彩只係補少少錢就改到飛姐 點都好, 呢個旅程好值得 簡單的快樂 卑微的好 我會將呢份心意形而重之 希望有一日到你黎香港探我時, 我可以還番俾你 : ) Thank you Seven, Thank you Medina! 點擊圖片放大 +4
