因為加入左公司既corporate trainee program, 而得到呢2個月番學既日子 感覺, 又係好奇妙 基本上日日朝8晚5既上堂時間, 放學傾下pro, 係令人好懷念既校園生活 闊別一年, 呢種熟悉既感覺, 只係同學仔變晒來自唔同地區既corporate trainees (中國大陸有一半, 不過好多都係海歸, 東南亞都唔少, 最遠既加拿大, 都係一個ABC) 住既地方同上堂地方都係某大學, 所以實在係同讀多一個sem冇乜分別 同房係一個北京姑娘, 很投緣 最大既問題係佢晚晚都要同男朋友講電話, 不過佢真係算好好架啦 星期一至五番學, 頭2個星期workload都冇咁多 由於我公司總共有3個(我, 一個海歸, 一個鬼仔), 我通常都會同海歸同埋另外兩個香港分公司既都係海歸一齊玩 去下唱K, 中山, 澳門, 同埋香港玩下咁啦(多謝我香港友人們曾兩次同我相約於澳門等我冇咁悶) 而好開心地我都盡左我既地主之誼, 帶佢地暢遊香港, 仲喺長洲過左愉快既一晚(喺度出賣佢地一張相先) 喺珠海, 食呢 最主要都係喺學校canteen, 或者學校北門外有d餐廳嗌送食飯飲啤酒既 日用品一切學校入面都有supermarket, 所以完全自給自足 上堂都有幾個唔同既building, 有d鬼仔就買左架單車 而我緊係行路啦, 果度同中大都有幾分相似架, 好大, 同埋好多green 有時就smart casual (即係著佢provide既polo shirt + 長褲) 有時就要著suit 放學有時就會一班人去一個人間房度吹水玩下game有時仲會飲酒(係唔俾架) 其實都管得幾嚴, 呢度仲有宵禁, 11點之後唔俾出入, 如果weekend唔喺宿舍過夜要申報架 公司亦會搞d活動, 例如運動會, 仲有一次group activity去左長隆, 但當然唔係玩啦, 又要比賽果d咁囉, 不過夜晚都有得睇show! ***小插曲係...well, 反叛呢家野, 無論你係十幾歲定廿幾歲, 都有與生俱來 為左出走, 可以去到幾盡?我既同學就証明俾我睇, 為左出去, 佢會跳樓. 當場呢個係一個壞榜樣啦, 真係嚇死我, 一樓跳落黎, 仲有另一個女仔都係咁-.- 愈來愈多project啦, final project都幾新奇架, 有d要present/煮野食/整video 而我就揀左整video - 而個video要包括原創歌曲, 舞蹈, 平面畫 所以最後果幾個星期又要作歌又要練舞, 完全唔知呢個final project對我地既發展有咩關係 但從同唔同人合作,相處入面既磨擦, 的確係上左寶貴既一課既, 亦都俾左一段好難忘既回憶我 亦都因為咁, 同某d同學既bonding特別強 呢2個月, 對我黎講完全係有笑有淚 由互不相識什至睇唔順眼到稱兄道弟, 建立左一種好特別既感情 離開既一天大家都喊到豬頭咁 離別, 其實係一樣好討厭既事 可以話係輸左俾時間, 輸左俾現實 只在乎曾經擁有, 其實都係對無可改變既現實作出既自我安慰 呢一段時候, 確實大家都有一段好美好既時光 而結果就係大家而家各散東西, 仲有幾多人會久一久回顧呢段日子呢? 而我, 又幾時先會再見到佢地呢? 過客, 人生有好多過客, 又能留住幾多個呢? 多謝你曾經照顧我, 我醉酒任性時照顧我, 月事痛到死既時候為我買紅糖, 電話卡冇錢時幫我偷偷增值 生日時為我準備蛋糕, 擔心我冇晚餐食, 多謝你俾我知道我仍然有愛人既能力 點擊圖片放大 +2
