回顧過去四年 呢個地方, 一年去一次 原因係自己可以用員工價住靚酒店, 而且機票又平 當然以上既原因, 都有其他選擇, 但一切都要由第一次講起 2011年5月9-15日 放工坐AirAsia夜機去沙巴 到左有友人介紹既朋友兼導遊黎接我地 將我地送到住既地方就即刻同我地食宵夜 其實都已經past midnight架啦, 大家都好攰, 快快食完, 訓醒佢就黎摟我地轉酒店. 食埋個味雅雞飯我地就喺附近行下, 基本上沙巴downtown都係冇乜野既 我個人認為係只需要留一晝既時間係咁e行下買下手信就ok架啦 之後我地就去左睇馬騮同埋螢火蟲啦! 係一個喺沙巴黎講算係靜態既活動, 岩晒玩到好攰或者唔想郁既人 不過喺沙巴其實大部份景點都遠離市區, 所以都要坐1-2個鐘車 螢火蟲都幾靚架, 成個活動就係坐住架小船沿住呢條河喺紅樹林度睇野 仲睇到個幾靚既日落添, 不過食就一般啦, join得呢d tour去到郊區都係求其架啦! 要食好既就要番city center食海鮮肉骨茶雞飯Laksa etc. 而跟住我導遊, 我地3個唔飲酒既女仔晚晚都要去飲酒 唱k, 落Bar係每一晚加插既活動. 黎到day 3, 我地就join左去Kiulu激流 激唔激就視乎你隻艇上面d人好唔好玩啦, 但以地理黎講我個人就覺得唔驚既 所以其實正確名稱應該係飄流, 不過因為我其中一位友人係唔識游水, 所以都係要玩mild d啦! 不過我自己都有一下差d受傷, 但我有一個好有勇敢既導遊, 一野禁左我落去, 代替我受傷, 好感動! 其實沙巴有另一個比較刺激, 但去既路途聽講係非常艱辛同埋要5點幾出發 -.- 所以放棄左! 玩完番到酒店其實2-3點左右, 所以仲可以hea下先, 夜間去食海鮮! 我最愛最愛就係奶油虎蝦! d汁撈飯真係超正!!仲有餐餐麵飲好醒晨既桔仔冰! 導遊一大班朋友一齊唱k, 呢一次旅程, 我認識左"沒那麼簡單" 喺佢架車上面日日都聽到! Day4就係free day, 訓到自然醒我地就自己出去食lunch, 行行下點知落雨 喺沙巴成日喺下晝/傍晚都會落一場雨, 好快就落完既 之後番酒店hea左一陣佢地又黎接我地出去啦 食完肉骨茶去左睇日落之後就去食kaya toast, i like it very much!!heehee!! 佢地車左我地去一個山上面睇個view, 當然係冇咩好睇啦, 之後又去飲野! Day5我地終於出島啦!去Sapi! 出海果程船其實已經覺得好靚. 個海真係平靜到好似鏡咁, 加上有個一望無際既海, 真心, 好靚! 導遊同船家好熟, 所以打成一片玩得好開心, 佢地既生活好簡單, 好快樂. 我個人覺得Sapi雖然細, 但d水算清同埋浮潛出去都有少少野睇既! 我地玩左parasalling, 亦都係我第一次玩 唔算高, 但果日天氣好好, 所以好靚好舒服, 一d都唔驚! 黎沙巴都可以選擇玩下水上活動, 不過我地冇, 一黎友人會驚, 二黎冇呢鋪癮! 之後都係影下相, 到咁上下又開始天陰陰我地就走人啦! Day6, 亦都係free day, 我地有join下酒店d活動, 而最重要就係要喺sunset bar睇sunset 呢個sunset真係冇得彈! 首先sunset bar個set up已經好正, 加上成個環境, 我覺得無論你住唔住呢度 呢一個地方真係一定要黎啊! 最後一晚, 當然又玩到好夜先番黎啦! Day7, 佢地帶我地去左間旋轉餐廳, 其實純粹係冇野做等夠鐘上機架喳! 去機場之前仲去埋Tanjung Aru First Beach, hea左一陣就去機場啦! 點擊圖片放大 +5 在機場道別時, 我們都流下眼淚 不是因為我們傻 你可能不會明白我為何如此感動 但我十分珍惜這7天的回憶 因為遇上這麼善良的人實在很難得 捨不得. 也很想念 更感慨 為何好人總是那麼難遇上 為何好人那麼少 沙巴 老實說 不是最好玩的地方 水上活動 激流 陽光海灘 這些到處都有 食 不差卻有更好 但沙巴可愛之處就是我們遇上的幾個人 it is always the people that makes a difference 時間 精神 金錢 一切都是他們為第一次見面的朋友而付出的 我們什麼都沒有計劃過 他們卻為我們想好吃什麼做什麼 緊張我們有沒有吃飽會不會悶 怕我們受傷擔心我們迷路 為的是什麼 沒有什麼 只是他們心地善良 能我太少遇上好人 有點不習慣被這樣關心 或者我存在的社會太冷漠就算每天見面的人都可以不聞不問 我也會無條件為這些人付出 因為對人好是不需計較的 人與人的關係其實就是如此單純 : ) 這是一個令人溫暖到心中的旅程 特別是出來工作後 難得 謝謝你, JOEL : )
