Year 3 既sem2, 雖然credit比之前5個sem都少, 但係, 好忙 除左忙住搵工, 都要開始唔捨得大學既一切 仲有就係, 計劃畢業旅行 我好好彩, 大學有一個非常照顧我既好姊妹 佢見證我流既眼睛真係可能有一公升, 反正佢就係我大學生涯最重要既人啦 而當然, 佢都會繼續陪著我, 同佢相約好要去畢業旅行 我地錢都唔多, 好多人都會想去遠d去耐d, 大概係因為番工之後都唔會有咁長既假期 我緊係都想去耐d啦, 不過冇錢丫麻 心目中好想去新疆內蒙西藏呢d地方, 結果我地就揀左西藏! 配合番佢partime既時間, 我地就定左6月去! 於是, final之後又未到六月, 我就決定番一番鄉下 另一友人正頭痕緊grad trip去邊, 而且又未有人選 我就冇本事(冇錢丫麻)去第二度架啦, 所以就只好同佢講如果佢唔介意, 我可以帶佢番我鄉下 咁我地就可以順便去埋張家界, 結果, 就促使左呢個旅程既誕生 好細個既時候, 我每次番鄉下, 番香港果日都會喊住咁番黎, 因為唔捨得好錫我既嫲嫲 大個小小, 開始抗拒番鄉下, 每次會用要溫習呢個理由黎推, 仲試過連續7年冇番過鄉下添 再大d, 開始有番d人性, 似番個人, 嫲嫲爺爺年紀大, 見一次少一次, 中學畢業之後, 盡可能都一年番一次 一黎中意鄉下既寧靜簡樸, 二黎我知道呢度係我既避風港, 因為呢度既人, 比任何人都更愛我 我比較喜歡自己一個人番去, 冇束縛, 冇人要管住我既行程 我會自己一個人去深圳火車站, 坐10個鐘硬臥, 然後堂細佬就會黎接我 我鄉下係一個農村, 望出去就係田 細個既時候有好多豬, 而家都仲有, 不過冇咁多啦 嫲嫲仲有養走地雞, 嗌幾聲d雞就會番晒黎, 好西利 呢個就係歸園田居 喺香港出細既我除左番去探親, 都冇喺果度生活過, 但可能語言天份算唔錯, 唔知點解我就識聽識講! 而今次係我第一次帶朋友番鄉下, 感覺都幾..搞笑. 我刻意叫佢唔好同我一齊番, 因為我唔想佢喺我度住咁多日, 我怕悶親佢 我既唔怕悶, 又可以hea下同埋見下唔同人, 所以每次番去都起碼住番4-5日! 每次番去, 佢地都會為我殺雞, 同佢地講極都冇用, 鬼叫我住得遠, 佢地都要表示下! 點擊圖片放大 呢幾日既行程就唔洗多講啦, 都係去下唔同人屋企探下佢地, 帶d禮物俾佢地 我最中意既就係我堂細佬用電單車帶我地周圍去! 仲有一晚我地遊車河, 喺農村入面空氣比較好, 天清既時候又可以見到好多星星 好懷念! 今次重點係張家界, 所以就唔多講我鄉下啦! 堂細佬送我地去長沙坐火車去鳳凰, 喺長沙就同埋表姐我地4個人食左餐飯 喺鄉下就話佢地話晒事姐, 出左黎我地就決定食pizza hut! 原來堂細佬同表姐都冇食過, 咁當然佢地都唔識揸刀叉啦! 嗌左煙三文魚沙律, 佢地都唔敢食 內心都幾唔好受, 自己喺香港風流快活, 但係仲有好多親戚因為好多因素都活喺一個好封閉既生活 錢係一個原因啦, 同埋佢地應該好多野都唔敢嘗試, 一直都喺自己comfort zone 不過點都好, 佢地可能用呢種模式生活得更開心既 2010年5月21-25日 我地又坐overnight火車到鳳凰. 呢個trip其實係完全冇plan, 見步行步. 只係有個framework大概我地要去邊個d咩! 好順利咁, 一開始我既旅程我就唔見左個ipod(呢個ipod好重要架, 係exbf送俾我架T.T) 一大朝早去到鳳凰古城, 好隨便咁揀左間客棧 我地就搵左個local tour去join!! 係一個苗寨既day trip 點擊圖片放大 +4 去既路途又令我感到同死亡距離很近 其實果度有好多呢d苗寨, 我刻意揀左個冇咁touristic既, 我就怕就係太過developed同埋man made 而呢個選擇係有代價架, 就係真係要攀山涉水先會到 要經過d勁滑又斜既溪澗, 我真係第一次咁專心行路啊!! 而d強國人仲可以著住高踭鞋行, 完全唔知佢地點解可以咁強-.- 本身著住涼鞋去既我都投降啦, 去到寨度決定買番對鞋, 如果唔係冼死左就真係笑大人個肚 其實我自己覺得呢度都幾值得黎, 景色都唔錯架, 而且佢地既屋都幾有特色 喺深山入面, 自成一角, 亦都自給自足, 好與世無爭既感覺 番到古城已經係5點幾啦 古城中間有一條小河分隔左兩邊 講真, 我自己就對呢度一d興趣都冇, 因為人造既成份太高 大陸好多呢d所謂古城都係一d都唔古, 頂盡係仿古, 咁又有咩意思呢 主要都係酒吧同埋手信, 我最主要就係買左d薑糖, 可以俾啊媽食! 既然留喺度都冇意思, 我地就搵左另一個tour, join去張家界啦! 第二日既下晝一點幾, 我地就到左張家界啦! 奇形怪狀既巨右就喺面前, 好搞笑 我個人就對導遊既介紹冇乜興趣, 因為我都唔需要知道你地覺得呢條柱似d乜, 到底似唔似我自己會judge 我只可以想享受同呢個咁獨特既大自然相處既時間 呢個地貌真係好有趣, 大自然既創造真係好有味道 行足3個幾鐘 -.- 當時既我仲未開始行山, 我真係好辛苦啊, 辛苦到想嘔!!! 但係, 真係好正! 當你用另一個角度睇, 又係另一種美! 點擊圖片放大 +3 呢一晚就喺山上面過夜 真係好驚訝, 咁樣既地方都有人住, 真係寫個服字! 我地要咩都垂手可得, seven, 百佳, 惠康, 茶餐廳, mcdonald's全部都喺我屋企3分鐘腳程內 但住果度, 我真係諗唔到可以點 -.- 當然喺呢度既晚餐早餐都係好簡單啦 但我地黎到呢個, 就係食個景架啦, 有咩送其實都唔重要 應該話, 如果咁介意有咩食, 就唔會黎呢度, 或者會既, 但係會join康泰而唔係local tour囉! 點擊圖片放大 +4 第二日起身, 其實一朝早對住一個咁醒晨既大自然, 好難心情唔好 綠色同藍色, 其實真係好靚既顏色! 我真係好喜歡呢度既簡單! 之後, 當然繼續行啦, 呢度咁大, 又點會一日可以行晒呢! 雖然睇既野都差唔多, 但係咁樣既景色又點會咁快覺得夠呢! 可能係阿凡達既關係, 張家界比以前更多人黎, 呢d景點真係會淪陷! 我想像唔到5.1既時候會點啊! 不過要去靚既地方都要付代價, 有d梯, 真係小d膽量都真係唔敢爬啊! 呢一日活動到3點幾就完結啦, 有d自費活動我地都冇參加, 只係喺附近求奇行下. 呢晚都係住番同一個地方 最後一日, 好早要起身, 因為景區入面一定好多團, 我地都想喺人地去到之前去到, 唔洗等咁耐 呢日要落山啦, 我會坐電梯 -百龍天梯, 行左3個幾鐘上黎, 幾分鐘就落番去luuu 其實任何角度睇都咁震撼! 再行埋十里畫廊, 即係既呢5.8公里既步道, 你會見到兩邊有唔同群峰有唔同既造型 就好似天然既雕塑畫咁! 的確很美! tour就咁結束啦, 而我地都決定放棄其他景點啦! 天子山仲有唔知什麼洞, 對我地黎講都唔吸引啦! 慢慢再坐火車番香港啦! 呢次旅程, 我知道我既行程香港既旅行團都一定唔會滿足到我. 因為我地去既地方, 住既地方都唔會係d主流旅行社會帶我地去既地方 呢次之後, 我真心覺得去大陸景點, 如果唔怕煩, 其實join local tour會比起喺香港join好好多 當然都有相信既risk啦始終都會有參差不齊既情況 但以窮遊既我黎講呢個一定係慳好多錢既方法 而且喺d旅遊區搵, 選擇好多, 總會揀到個岩心水我岩價錢既tour 其實有時有晒plan係好, 但係旅行呢家野, 計劃趕不上變化 只要有個概念, 然後隨心去安排, 好多時都會有驚喜. 亦都好多謝我呢位大同, 喺我身邊忍讓我既脾氣, 加上呢d簡陋既環境唔係個個忍受到! 我都知你一定好唔習慣架啦, 我都唔會話我好中意架, 但我知道黎得呢d地方, 預左係咁! 怕, 就唔好黎, 黎左, 就唔好怨 : ) 點都好, 好開心終於黎左張家界, 冇理由我鄉下喺湖南但我未去過架麻!!
