想講下我既工作 喺未經我既ex同事批准下, 我決定disclose佢地個樣出黎 有幾位同事我印象最深刻 我既個工作多數都係D比較年長既, 後生既通常都係好似我地咁ICP既學生黎幾個月 第一位伯伯佢叫做Art, 係一個好幽默既人, 我非常中意既一個伯伯 帶俾我好多樂趣, 亦都好願意同我地傾計(雖知有AMERICAN都會冇咁中意ASIAN架麻, 又或者純粹唔岩channel) 因為佢, 我先知道原來美國人食peanut butter jelly sandwich, 我咁大個女都未聽過呢個combination lol 而另外三位綠衣人, 就算係我同期既ICP, 我地都係差唔多時間黎, 所以比較get along到! 分別係Scotland既Gerald, Sri Lanka既Pransanna 同埋Canada既Joanie. 最難忘一定係Gerald, 我比佢早黎到, 不過只係早好少 當我開始自己工作時,佢仲on training緊, trainer介紹佢俾我識既時候, 我真係好驚訝. 簡直係世界上遠既距離-明明都係講英文,點解我完全聽唔明佢講咩-.- 我冇概念原來scottish accent係咁奇怪架! 所以我一開始係完全好抗拒呢個新朋友, 唔想因為聽唔明佢講野而引起embarresment... 有時聽佢揸咪介紹動物, 直情d美國人都O晒咀,平時我介紹d美國人都唔會咁無助啦-.- 不過慢慢習慣左之後, 雖然我地成日會make fun of him (唔係取笑佢架, 只係用佢黎開玩笑, 係positive架) 但慢慢佢就變左我既好朋友之一 而Joanie就比我早黎, 我地幾個就咁玩埋一齊左, 仲有一次開左個mini party大家準備自己地方既食物! (我已經唔記得大家準備左d咩啦, 淨係記得Joanie準備左Canada Quebec出名既Poutine, Gerald好似係想整meat loaf) 我地亦都有約出去過食all you can eat pizza 佢地陪伴左我果度大部分既時間, 畢竟我喺果度主要活動都係番工! 番工放工又會一齊搭車一齊沐雨 就算而家已經好少聯絡, 但一定唔會唔記得喺世界既某一個角落, 有一個曾經陪伴我3個月既朋友 : ) 點擊圖片放大 +2 https://disneyworld.disney.go.com/attractions/animal-kingdom/pangani-forest-exploration-trail/ 附上我工作地方既official website, 唔知呢5年黎有咩改變呢 呢份工其實好易會做到悶, 雖然每一份工都其實會. 每日講一模一樣既野, 連笑話都係同一個! 連遊客問既野都係一樣, 同埋要企足成日, 真係會好攰架! 不過間唔中都會有其他job task, 而我最中意既就係去參與parade啦! 當然就唔係去跳啦, 而係企喺隔黎睇住d遊客!真係好開心架, 可以順便睇晒個parade, 超high! 正過香港果d勁多啊!我睇左咁多次都仲係覺得好正啊! 不過份工其實最差既地方就係搵錢方面啦 呢度係計時薪既, 動物景點一般比其他attraction開放時間短, 即係做少d啦 你可以話好, 但我要搵錢就會比較無助 加上呢個有個system, 佢會將需要既地方時間list出黎, 你可以按自己availaility去register d野黎做 例如如果你本身喺gift shop度做, 你見到另一個park gift shop 喺你dayoff果日要人 而你又好無聊或者冇朋友同你同一日放假或者真係好想搵錢, 你就可以register啦! 而我, 好明顯我做既野就只能夠喺我個attraction度做啦! 但我個人又真係想搵多d錢, 所以, 我好積極咁搵下有冇d唔需要特別技能都可以做既工 終於俾我搵到一份, 都係一個ad hoc既project 而我果日既工作就係守住既廁所入面, 記錄大概客人由排隊, 到入廁格, 到出番黎到幾多時間 之後去turkey leg stand, 一樣記錄客人由排隊, 開始購買, 到得到隻火雞比, 要幾耐時間 呢日真係畢身難忘啊lol 估都估唔到喺廁所度企左幾個鐘 不過向好處諗, 都好既, 唔洗日曬雨沐! 因為我份工大部分時間都喺outdoor, 熱就不再話下啦, 曬既時候真係乾煎 落雨仲衰, 真係有幾次撤底濕晒, 雖然有雨褸, 但Florida既雨真係非同小可!因為剛巧係summer, 我真係見證唔少. 雖然落雨有時都會幾開心, 冇人入黎就可以揸下攤, 仲可以偷偷地坐下添! 係時候要講下theme park 我做既地方喺我地ICP黎講應該都算幾唔受歡迎 一般因為magic kingdom同hollywood studio係比較多野玩又有firework同埋大show, 都會比較多happenings 而且, animal kingdom (AK), 嗯, 就咁聽講名呢度已經唔受香港人歡迎啦!因為我d同學仔對睇動物都冇乜興趣. 又或者其實去Disney冇人會特登黎睇動物掛, 所以大家入park玩都好少會諗到要去AK. 加上因為個park有動物, 開放時間都唔會去到太夜, 所以都好難收工去玩 再者呢個park都比較遠, 好似我之前提及過shuttle bus都冇咁多冇咁密 呢個Park最highly recommend既一定係mount everest 雖然而家香港都有飛越灰熊山個concept係抄足mount everest, 但係真心冇得比 我未玩既時候好好所有朋友都賣關子冇話俾我知係點 所以當我見到條軌既時候真係R晒頭! 而且刺激程度係有10! 正到爆! 仲有我自己私心大愛就係it's tough to be a bug (3D show) 同埋 finding nemo musical! 係我喺AK重點推介! 到Magic Kingdom啦!最強烈推介就係Wishes佢個煙花!! 第一次睇係會起雞皮 而無論睇左幾多次, 每一次都會覺好感動, 澄清一下我本身唔係一個Disney Fans, 亦都冇少女情懷. 但Disney就有呢個Magic, 可以融化我個心 而香港Disney就係一個縮版既Magic Kingdom都係有d都standard既rides 講真我印象就唔算好深, 一定要講的講我係比較中意Splash Mountain因為我中意有水既ride 反正Magic Kingdom就係最typical既Disney Park, 有Disney fantasy既人就一定會中意 Hollywood studio係一個最岩年輕人玩既park 佢個show Fantasmic係超好睇!!不容錯過!!當年唔係日日有架, 所以一定要就岩日子去! 仲有最有theme既ride - Tower of Terror, 玩完之後就會驚嘆點解香港Disney可以咁冇氣氛 我個人都好中意Rock & Roller Coaster同埋所有人既all time favorite - Toy Story Mania. 真係排足2個鐘隊但都抵玩啊!玩完之後又係覺香港果個buzzlightyear可以收皮-.- 點解唔upgrade下呢? 每次睇Fantasmic都會多人到喊! 大家都會好早入埸由天光等到天黑 相入面見到綠色衫既係一堆學生, 我記得果陣上演左一場由Argentina VS Brazil 既war of cheers. 好強既民族意識哈哈 最後一個Epcot, 佢就好似Disney版既世界之窗 4個park入面就只有Magic Kingdom (Wishes) 同Epcot (Reflection of Earth) 日日都有firework! 而我就好好彩, 當年有幸睇到2個theme park July 4th既煙花. 只能用畢生難忘去形容, 真係極之震撼! 趕頭趕命都好值得, 近距離睇咁大型既煙花真係好正! Epcot主要就係有好多景相位 - Canada, China, Mexico, Japan...etc有好多唔同文化既Display. 而ride黎講佢個Soaring同埋Mission Space都唔錯架! Soaring係好平靜但感覺真係好似飛緊咁! 總結就係4個park各有特色, 一定要預留時間玩晒佢玩盡佢! 1日1個park一定唔夠玩架!因為佢地既park又大又多人, 你都冇可能日日玩到盡架麻一定攰到嘔白泡! 不過由於以上既資訊都係2009年既, 而家有咩轉變就唔知啦!但我點名講果d真係神級好玩, 唔玩一定抱憾終生! 有一樣野肯定冇變既就係你只要去guest relations果度, 你就可以話俾佢知你入park係celebrate咩occasion. 然後佢就會俾個button你, 你就可以扣住, 然後去到邊都會有人同仲講happy birthday, congratulations等等架啦! 佢好多元化架, 有family reunion, graduation, anniversary, wedding等等, 總有一款岩你! 仲有就係pin trading, 好多staff都會身上帶住掛滿pin既lanyard, 你睇岩就可以搵自己既pin同佢交換啦! 但當然前提係你要首先自己買左d pins先啦!睇到d特別既pin真係好想要架!! 然後你就會見到d瘋狂Disney Fans拎住一大本佢既pin collection真係非常誇張! 而Disney仲有一個地方叫Downtown Disney, 係唔需要入場卷既, 最主要係購物點 仲有好多餐廳啦, 而我呢個窮學生緊係食唔起d formal dining既餐廳啦! 我最愛就係Earl of Sandwich! d包真係超好食! 岩岩上去個官網睇番都係6個幾美金就食飽啦! 仲要係勁飽果種, 真係好想番去食啊T.T 果度我仲有另一個一定會去既地方 - Ghirardelli, 因為入親去都可以食佢朱古力, 有時仲有d free sample俾你拎走! Downtown Disney仲有一個lego store, 通常都好多人喺果度自己切野, 而我都手多多切左自己個名! 除左以上4個park之外, Disney仲有2個water park. 而我地係唔可以免費入場, 所以儉財既我地只係去左其中一個waterpark, Blizzard Beach 好可惜我地去果日落左勁大雨, 雖然都已經玩左好多, 但都係唔夠皮啦! 佢刺激既程度已經超過我可以afford到架啦!我就唔細膽既但係佢氣滑梯真係超直超高, 見d人sir落黎都係shupshup臭架 其實仲有好多resort都有一d可以行既地方, 我只係記得去左2個地方, 但就冇咩值得特別推介啦! 然後就係我好掛住既outlet啦!係我係窮學生, 但就算唔買俾自己, 都要買俾屋企人架麻! 問心我又真係買左好少野俾自己! 除左買左手袋俾啊媽, 銀包俾姑媽, 衫俾哥哥爸爸同埋exbf 自己呢...衫褲鞋裙都有內衣都有 購物地方主要係premium outlet, prime outlet同埋Florida Mall 去得最多就係premium outlet, 因為近!基本上tommy hilfiger ralph lauren coach果d basic brands都會有架啦! prime outlet比較大, 仲有victoria secrets都會有, 而cosmetics果d都會有多d選擇, 我都喺果度買左clinique, bobbi brown 而Florida Mall, 就有A&F, Hollister啦! 特價時真係好鬼平! 我最大既好處就係因為我夠細粒, 成日都可以買童裝, 所以就再平d添! 喺美國仲有一樣我超中意既野,就係我喺sephora買既mascara, 係佢自己牌子既lash plumber. 好可惜香港間sephora開左唔係好耐就皮已收...搞到我而家已經買唔番 基本上一有朋友去美國就會叫佢地幫手買! 我諗我總共都有用左7-8枝! 其他就冇乜特別啦, 畢竟我係一個窮學生, shopping唔係main purpose. 但最值得注意就係一定唔好錯過July4th既shopping. 我就係唔信因為d outlet成日都話discount去到今日架喳! 當我諗住佢仲有再折既時候其實July4th已經係平無可平架啦, 我死唔肯買最後死死地氣見佢貴番先買!! 除左以上既地方幫我消磨時間之外呢, 好多人都會去clubbing, 但當時既我未夠21歲 法例上我係唔可以飲酒, 咁當然好多人都唔理啦 但實情係我根本唔中意d咁多人咁嘈既地方, 所以我都係冇參與既 閒時有d Disney搞俾我地既poolside party (係啊, 我地living complex係有泳池架!) 我地一定會出現, 因為有免費野食 e.g. 薯片, 汽水, pizza 我地仲一定會打包番自己屋企tim哈哈! 當d鬼妹鬼仔玩得好開心, 我地就食得好開心 lol 所以話, 呢個一定係人生中最美既暑假 好可惜, 喺同一個暑假, 唔單止我exbf放棄左呢段感情, 我仲收到來自香港既一個惡耗 我一位大學好朋友過左身 已經五年幾啦, 我仲記得喺美國我流眼淚既情況 我仲記得你化蝶黎左美國開解我呢個暑假, 刻骨銘心
