5點鐘要準時起身, 真係凍到喊, 對上一次喺Barcelona凍到勁冇心情又要重演啦, 事關我真係好怕凍! 民宿婆婆同台灣朋友都已經幫我地準備左暖包, 但我怕凍既程度非同小可呢 民宿仲有好溫暖既熱茶同埋阿華田提供俾我地, 嗯, 出發啦! 坐小火車上祝山, 再要行一小段路先可以去到睇日出既地方. 都12月啦, 可能落左小小雨, 令天氣更加凍, 加上冬天山上既陰霾, 呢次觀日出係失敗既. 雖然睇唔到日出, 但能夠同你一齊捱眼訓捱凍去做呢件事, 其實睇唔睇到都唔重要啦! 終是我地就去巨木森林區啦, 好多奇形怪狀既木, 又幫佢地改埋d奇怪名 e.g. 金豬報喜, 龍鳳配等等. 我成日覺得呢d名係中國人先會諗到出黎! 行左兩個鐘, 又餓又凍, 最慘就係因為太濕, 凍到我腳趾都冇晒感覺. 點擊圖片放大 出番黎之後已經係11點幾, 要出發去下一個地方 - 日月潭 大家一齊5點鐘起身, 但朋友要提起精神揸車, 我地又訓啦! 經過玉山我地又落車影下相, 然後其實好快就到左啦! 搵到住既地方我地又到處行. 首先去左日月潭文武廟, 再去左孔雀園, 之後就遊湖啦, 潭中有個好細既島, 喺果度稍作停留又繼續出發 食左個好好食既茶葉蛋, 玩到黃昏, 食埋個dinner台灣朋友們就要走啦! 點擊圖片放大 +2 多謝佢地2個抽時間陪左我地2日1夜. 好可惜, 6年之後既今日我已經失去左佢既contact啦 : (
