呢次係我第二次去台灣啦 我開始搵到自己喜愛既旅行模式啦 2008年12月7-11日 呢個係第二次同你去既旅行, 正確d黎講, 亦都係最後一次. 去旅行社買左套票, 就喺我地都完左final(我year 2 sem1)之後去5日4夜台灣. 由於我之前已經去過台北, 所以今次台北都只係分左2日1夜俾佢喳. 又貫徹番我地上次歐遊每個地方只住一晚既趕急style. 由大學出發直接去機場 我地因為去到先突然醒起未買旅遊保險, 所以last minute先用機場電腦買, 買買下都唔知已經要boarding. 好順利咁要俾人嗌咪嗌我地個名先識上飛機...嗯, 應該要話好好彩我地冇on居居咁miss左班機 到高雄係1點左右, 搵完酒店就出發, 第一站係夢時代, 就好似香港既mega box, 有點遠, 要坐shuttle先去到. 行到天開始黑, 就去左坐佢個hello kitty摩天輪lol 之後就出發去瑞豐夜市. 超大超多野食, 仲有好多攤位套圈圈, 射水彈 etc. 當然我地淨係負責食架喳. 食食下就轉場去六合夜市再食過, 不過比起瑞豐, 呢度就遜色左d. 但我地都已經食飽左啦! 點擊圖片放大 途中我地仲經過好出名既美麗島站, 如果香港都有d咁有設計感既地鐵站,相信香港人都會開心d! 然後就去最後一站 - 愛河 其實當年成件事都係非常無聊架, 但當兩個人一齊做呢年無聊事就會變得有趣起黎. 坐喺船上25分鐘聽下佢講廢話, 最起碼, 台灣人真係好友善, 咁已經足夠啦. 再沿住呢條愛河漫步番酒店, 大家都攰啦 : )
