2008年5月14日, 一早到左Lisbon, 早到metro都未開. 呢度住既地方,係一個中國人既屋企, 佢將個廳既其中一部分用屏風間左出黎做間房, 相信應該淨係做中國人生意. 呢一日,最主要,只係去左一個地方, 就係Belem,今日終於有得睇d不一樣既野. 藍天白雲之下咩都會靚d! Jeronimos Monastery, 呢個修道院既建築好靚,連我呢個冇藝術修養既人都要俾個like! 加上不遠處仲有Padrão dos Descobrimentos (航海家紀念碑), Belem Tower, 一次過睇晒兩個世界文化遺產! 行到攰仲可以喺海邊休息下, 仲可以望到4月25日大橋同埋耶穌象. 點擊圖片放大 +2 喺呢度花左大半日之後, 仲食左個黎到葡萄牙冇理由唔食既葡撻. 結果?果然失望啦, 瑪嘉烈果d好食10倍, 正確d黎講係KFC果d都好食d tim啊! 而惡夢好快就開始, 為左揀d酒俾我老豆做手信, 唔識飲酒既我唯有要我身邊果位幫我. 飲多左之下, 比醉酒更可怕既事就發生左, 佢個肚唔舒服. 買左藥都搞唔掂就只好去睇急症, 同預期一樣, 等左好耐, 足足兩個鐘先睇到, 然後再等兩個鐘先有報告. 真係唔該晒,等得黎都自我復原番luuu, 呢一晚, 我地終於可以早D休息. 因為第二朝要更早起身, 去傳說中既天涯海角Cabo de Roca, 亦即係歐洲最西面既一點. 路途上都有d阻滯, 始終呢個地方比較遠, 火車轉左幾次先到, 差d放棄左. 到最後, 雖然我地只係可以停留好短既時間, 但你都堅持帶我黎呢個天涯海角... 雖然天氣又唔好, 但係望住一望無際既海, 當你諗到, 呢片大海既盡頭, 就係好遠好遠好遠之後既美洲. 其實感覺自己好渺小. 其實可以同自己心愛既人黎呢度, 我覺得比起去巴黎浪漫好多倍! 之後又係趕路既環節啦, 回到原點 - LONDON -今次好d, 終於唔洗坐巴士, 我地坐飛機啦! Padrão dos Descobrimentos
