對於呢次既歐遊, 基本上, 除左買HK-LONDON-HK張機票之外, 我係冇參與過任何計劃既部分. 無論中間要去邊個城市, 用咩交通方法, 住咩地方, 睇咩景點, 我通通都唔知. 所以其實要好多謝佢, 就算而家去旅行已經冇左你喺我身邊,但我都好多謝佢曾經帶我認識左咁多地方. 小驚喜,指既唔係佢俾左D咩驚喜我,而係Sevilla呢個地方. 我認, 我曾經係一隻井底之蛙, 我真係唔認識呢個地方, 聽都未聽過. 亦係成個旅程入面唯一一個完全未聽過既地方. 但其實, 冇懷住任何expectation, 就會有更大既驚喜. 坐左幾個鐘頭巴士, 夜媽媽黎到Sevilla, 淨係搵hostel都搵左好耐, 以前當然冇而家咁方便, 開個google map就搞掂.通常就喺呢d大家又攰,又凍,咩住2個大backpack,好無助既時候,就會有人燥左. 不過呢個都唔重要啦, 去到呢個4個床位既mixed dorm,只有我地2個人,都總算係一件好事啦. 喺Sevilla只有短短24小時, 所以一早起身出發就拿拿聲去discover呢個地方啦. 天氣亦都算唔上好, 仲有毛毛細雨, 不過只要冇好似Barcelona咁凍就已經算好好架啦. 喺我印象中,呢度係一個好細既小鎮,同之前幾日一樣, 都係行下cathedral同埋公園 但比起其他城市,呢度更加悠閒,如果可以俾番個藍天我更加可以再加分!! 點擊圖片放大 特別中意佢既路面電車, 雖然我地冇坐過, 但感覺好方便亦都好乾淨. 喺呢度亦都見到一大團老人, 或者呢度既laid back真係比較適合慢d既生活. 從住既地方沿住條河行, 好舒服亦都好中意矮矮既小屋. Cathedral亦無需多講啦, 亦都好中意Parque de Maria Luisa. 好大,呢個時候黎到處都係紫花樹, 好靚! 我地仲租左單車喺公園度踩, 不過我腳有點短,都係要靠你啦! 時間無多了, 要出發去Lisbon啦!!
