呢個標題, 一部分係因為我個人冇乜質素, 但我諗最主要係我同呢個地方冇緣份. 巴士上船,落船,8個幾鐘訓左喺你大比上,到paris已經係第二朝既6-7點啦. 第一個惡夢當然係好唔tourist friendly既法國人同埋metro system... 幾經辛苦搵到hostel, 沖個涼又要出發啦. 第一站係Luxembourg Park, 亦都係我第二個惡夢 見到藍天同埋咁靚既公園本應好開心,但喺呢個地方我獻出左第一次 我相信都不用解釋啦 lol Paris到底有幾討厭我, 本身好似好浪漫咁喺樹下, 結果變成咁,除左笑我真係俾唔到其他反應 聖母院,羅浮宮, 呢d typical既景點又點可以唔去呢, 結果呢一日又係喪行,行到人都傻. 藝術呢d野我就唔識架啦,所以除左覺得幾靚之外,歐洲既教堂都唔係好吸引到我. 至於羅浮宮,我地都只係坐左喺出面... 打算入夜之後去睇巴黎鐵塔,但我敵不過睡魔. 喺行程入面似乎冇安排過要deal with jetlag, 呢一日就要臨時加插呢一環. 終於可以好好訓喺床上啦 所以喺paris既第二日,我地除左凱旋門之外,要去埋鐵塔先可以出發去Barcelona 鐵塔果然有d屈機, 終於有浪漫既感覺啦, 雖然冇上到去 (鬼叫我窮啊 lol), 但已經好滿足架啦. 第三個惡夢, 亦都係最惡果個, 喺呢個時候出現左. 雖然唔係俾人打劫/搶野, 但係, 我地就俾時間出賣左. 經過左兩日一夜喺巴黎既旅程,我地完全冇意識到呢度同london有一個鐘既time difference. 所以, 我地就因為呢一個鐘, 好順利咁miss左去Barcelona gei巴士. 冇錯, 我地就俾時間打劫左我地千幾蚊,要重新計劃過點樣去...我地竟然千計萬計,計漏左呢一樣野. 只能夠話, 計劃果然趕不上變化. 而由呢一刻開始,我亦都知道, 我唔會再俾同一件事發生第二次.
