曾經, 大家都有個歐洲夢.對歐洲既認知係 - 好似好遠, 要好昂貴既旅費. 而我呢個唐樓妹,連發呢個夢都唔敢. 對於最遠只係去過韓國既20歲既我,真係發夢都冇諗過為愛情可以去到咁盡. 2008年大學year 1,就係因為當時男朋友去左瑞典exchange,決定左窮我所有既力量,都要走一轉歐洲!踏上我第一次長途之旅. 20歲雖然都唔細啦,但畢竟我既年代,冇而家D後生咁早熟,當時只係一個傻妹,盲中中咁買左張當時廉航OASIS來回LONDON既機票. 而同我同一個年代既人,亦都可能會記得,就喺2008年,OASIS宣佈破產. 呢一件事,一定係我當時遇過最令人o咀既事,我又點會諗到自己唔食飯,又上莊又趕pro都係咁chur補習,辛辛苦苦儲左萬零蚊,竟然會俾間航空公司敗左. 喊到豬頭咁, 男朋友又唔喺身邊, 一個人獨自解決,都咪話唔灰. 最後, 重新買過張BA, 2008年5月5日出發london, 追夢去!
