天氣咁熱, 食啲帶酸嘅蛋糕最適合不過啦. 我用乳酪取代大量忌廉, 又加入青檸皮, 令青檸香味更加出. 倒完落模之後見仲有少少芝士糊, 一於整返個靚靚杯裝版自私食先. 食譜 : 6"模 (視孚個人喜好, 可用清蛋糕底 / 餅底) 材料 : Cream Cheese 250 g, 糖 70 g, 純乳酪 1 杯 (140-150g), 青檸汁 2個, 青檸青(皮) 1~2個, 魚膠片 10 g, 淡忌廉 100 g, 奶 50 g, 室溫水 60 g 做法 : 1. Cream Cheese放室溫回軟備用 2. 青檸刨皮, 唔要白色部份 (視孚個人喜好, 可選擇1個份量) 3. 刨皮後, 把青檸搾汁備用 4. 魚膠粉+水混合後坐熱水煮至完全溶化備用 5. 淡忌廉用電動打蛋機打至7~8成企身, 放回雪櫃備用 6. 忌廉芝士加糖用電動打蛋機打至滑身 7. 加入純乳酪及青檸青打勻 8. 加入青檸汁及奶拌勻 9. 再拌入魚膠液拌勻 10. 最後加入打起淡忌廉拌勻, 倒入已放蛋糕/餅底上, 雪3-4小時便成