上次整完黃蕃薯, 今次一於試整紫芯蕃薯先~ 整完出嚟啲色好靚呀 今次整法同上次有少少唔同 蛋糕底都加入蕃薯蓉去焗 一於裡裡外外都有蕃薯味 蛋糕材料: (雪芳蛋糕配方) 卷蛋 (我係用24 x 33 cm 焗盆) 蛋黃 4隻, 蛋白 4隻, 砂糖 60g, 奶 70g, 菜油 35g, 低粉 70g, 蒸熟紫芯蕃薯 30g 忌廉材料: 淡忌廉 150 g, 糖 5 g, 蕃薯蓉 130-150 g, 蕃薯粒 少許/隨意 (如蕃薯夠甜 可以不加糖) 做法 (預熱焗爐200度) 1. 蕃薯煮熟去皮待用 2. 低粉過篩備用 3. 蛋白打至起泡, 然後把40g糖分三次加入, 打至企身 (打完先放雪櫃) 4. 蛋黃加20g糖打勻, 再拌入30g蕃薯蓉拌勻 5. 把坐至暖身的奶, 菜油, 過篩之麵粉, 分兩次交替加進蛋黃糊中拌勻 6. 取1/3蛋白霜加入蛋黃糊中拌勻 7. 再把(6)的麵糊倒回蛋白霜中輕手拌勻, 倒入模內, 以200度焗約10-12分鐘 8. 出爐後放上架待涼 9. 把番薯打成蓉後加入淡忌廉及糖打至8成備用 10. 蛋糕放涼後, 把蛋糕轉往新的牛油紙上 (我個人喜愛以底作卷蛋面) 11. 塗上蕃薯忌廉抆平 (頂端塗抹多點), 可隨意加上蕃薯粒, 卷起定型, 再放回雪櫃雪約1小時便成