香港迪士尼酒店 晶荷軒 久違的晶荷軒! 上次已經是3年多前... 今日終於去試她們的特式點心! 迪士尼公仔點心 好精緻好得意! 得意到有點不捨得食呀! 有5款特式點心, 我只點了其中三款. 由於很考功夫, 所以要早兩日前預訂 迪士尼小熊甜包 (紅豆蓉/豆蓉) (個包真係非常用心整, 不過啲餡就唔係我杯茶啦) 蠔汁叉燒豬仔包 (呢個包有外在美, 亦有內在美, 必定要叫!) 米奇鴛鴦糕 (蘿蔔糕夾芋頭糕) 蘿蔔糕與芋頭糕是黏在一起, 原來這配答是出奇地夾. 荀尖蝦餃皇 (皮薄餡靚!) 舞茸蟹肉小籠包 (唔駛多講, 好鮮蟹肉味! 勁多汁) 珍寶海鮮春卷 呢個係伙計極力推介, 比一般酒樓更粗更大 啲蝦仲係好大隻架 瑤柱蟹肉脆腸粉 (我個人比較鍾意食淨腸粉, 不過佢哋個脆餡真係做得唔錯.當中內藏瑤柱同蟹肉, 又係心機點心) 陳皮燉雪梨 (我嘅至愛! 多年不變, 保持水準!)
