上次就分享咗同妹妹行裝修街，估唔到超快手一個月左右就搞掂哂裝修入得伙！ 今次想同大家開心share我哋喺裝修街搵到嘅戰利品～ 因為妹妹好鐘意煮野食，所以食水裝filter真係必須！我自己用咗枱面式filter好耐，因為後加所以容易有虛位易漏水，filter都大嚿好阻埞，仲要有時唔記得啪掣喺filter出水，浸哂個枱面漏到地下都試過幾次… 所以既然妹妹要換廚房水龍頭，我就勸佢揀枱下式filter嘅款式，一體過嘅好處係唔需要另外鑽孔，妹妹用落都話真係好正！ 前排我哋一家8大2小踩場Housewarming ，妹妹當然親自下廚，煮出成枱好餸招呼大家！我作為家姐都唔係齋耍廢嘅～ 都有喺廚房幫下(倒)忙，順便試用我同佢一齊揀嘅GROHE Blue Pure龍頭。 喺龍頭一擰就可轉出過濾水，值得一提，佢嘅設計係同一個龍頭出水喉水同過濾水，但內裡有兩條喉管，就避免兩個出水口會搞亂，而且管道由複合物料製造，不含任何金屬，水質更有保證。 至於濾芯，只要配返啱型號嘅就可以自己更換，非常方便，可以按自己嘅習慣同需要揀返不同濾芯，例如妹妹揀嘅3M濾芯有效過濾水中重金屬鉛、揮發性有機物同埋隱孢子蟲等雜質，咁就飲得更安心！ 其實用枱下式filter嘅龍頭都有不同選擇，但揀GROHE Minta除咗因為係「裝修谷」力推嘅德國品牌，另一樣吸引嘅地方就係龍頭可拉出，方便清潔鋅盆嘅角落位，而要洗size比較大嘅重身LC煲，拉出式龍頭都非常實用！除咗直角L型嘅Minta，GROHE Blue Pure都有較傳統嘅C型款式，可以配合不同設計風格嘅廚房設計。 其實養成自備過濾水嘅習慣可以間接減少膠樽消耗，幫地球先生打打氣，為下一代締造可持續發展嘅環境！ 回帶睇埋我同妹妹行裝修街：https://www.suetleimama.com/2021/04/blog-post.html #好物推介 #值得你投資的產品 #信心之選 #廚房濾水龍頭推介 #德國品牌 #一頭兩用
