Nancy是一個三十多的女士，結了婚，有一個女兒。在所有人的眼中，Nancy 都係一個著了魔既媽媽。如果虎媽是形容對子女嚴謹的母親，那Nancy就是恐龍媽。Nancy給女兒的時間表密到連插針的空間都沒有。琴棋書畫，不單要學，更要精。就算個女幾眼訓，不能彈好一首完美的歌，不可以訓。 女兒一句想學網球，6 歲便開始訓練，8歲要落到大場打，10歲要開始參加比賽，打不到入校隊，就揾教練再加操。當然，女兒壓力大得很，但女的眼淚，只為Nancy加了一份無奈，卻動搖不了她的行為。 NANCY : 我完全係為佢好！佢大個就會明！ 朋友C: 你點解要迫得佢咁緊？ 佢真係好辛苦wor NANCY: 我要俾最好既野佢你明唔明？ 我都係幫佢鋪好條路，我唔理駛幾多錢，都要幫佢達到最好！ 朋友C : 佢咁細個，唔駛樣樣都要求咁高呀？ NANCY: 我寧願佢憎我，都唔想佢做得唔好！ 朋友C: 你咁對自己又有咩謂呢？ NANCY: 只要佢係最好，我犧牲又有咩所謂 無人會否認Nancy對個女既心，但係其實不論親人又好，愛人又好，甚至朋友都好；當我地漠視自己的需要，而時時把別人的最好當成自己的最好，通常都沒什好結果。 每個人都有自己既需要，而絕大部分的時候，我們的需要都不會完全和另一個人吻合。 如果我們常常把自己的需要好似好大愛咁犧牲，我地不期然會對方有多一點期望。 而當對方回應不了我們某些需要，我們便會陷入一個負面情緒的黑洞。 "我為你做左咁多野，你而家竟然咁。。。？？" 就算你真係覺得我唔介意犧牲，亦唔要求任何回應(口頭冇，唔代表心底冇). 你有否想過，對方其實亦不好受。 沒有自己的愛，其實係好令人窒息，亦導致好大的壓力。 "受太大的禮，會內疚，卻也無力歸還" 愛人本是美事，但我們都需要學習愛人之餘，也要有自己。 懂得愛，才難能可貴。
