陳師奶一個失婦女人含辛茹苦養大了兒子。 仔大個左就搬左出去兼識左女朋友。 一直以黎，陳師奶都深知個仔係錫佢既，又會得閒買佢鐘意既野食番黎俾佢，又會氹佢開心。不過，陳師奶就如一眾奶奶，總是覺得啊女朋友唔多順眼。 有一次，因為凍，陳師奶借左阿仔女友條頸巾，之後唔記得左還，跟住唔知放左係邊唔見左。 縱使陳師奶心知還俾人係應份的，而條頸巾亦唔係陳師奶俾唔起既錢，但佢還是想要試。 試阿仔既回應。 陳： 我整唔見左你朋友條頸巾，咁而家點啊 仔： 你再揾下先啦 陳： 如果真係揾唔到呢，咁點啊 仔： 真係揾唔到先算啦 陳： 咁真係揾唔到，駛唔駛我賠番俾你女朋友啊 仔： 真係揾唔到咁就要買番啦 然後，陳師奶嬲左。 佢心中既OS係，我含辛茹苦幫你洗衫煮飯咁多年，一條咁既頸巾你都要同我計較，你而家有女朋友就唔理個阿媽嫁啦。。。 佢既嬲，又傷心。 佢心中十分清楚明白，佢想要既，只係阿仔一句：唔緊要啦，我幫你買/處理，又或者咁講，陳師奶想得到既，係一個令佢感受到阿仔覺得佢重要既回應。 大概我地睇大台既電視劇長大，總是會覺得，一個會錫你既人，就會懂你，明你。你會期望他猶如你心中的蟲，只要佢錫你的話，就會道出你想要的答案。 但事實告訴你，大部分的人，尤其男士，對你心底想什麼，其實可以錯得很要緊。你要知道，你不是令妃，世界沒幾多個傳恆。 他猜不中你的心思，可以有一萬個原因，而不一定是因為不關心/愛你。 更有可能的是，他由衷的不知道你想要什麼。 如果你真想要感受他對你的好，與其測試佢，倒不如真接叫他做你想他做的。 我會為你摘天上的月亮，但前提是，你要告訴我，你想要那月亮吧！ #點解學校無教情緒科 #從旁人故事中學習 #做人娘親甚艱難 #做人新抱更難 #夾係中間個老公其實最難 #你想要咩就講佢知啦 #佢真係估唔到嫁 #想要愛說出來
