要安撫身邊人，再高階D既，就係能睇到對方情緒又或者做法背後既原因，而給予認同。呢一式，好多時可能連當時人都未必能體會得到。你有冇發覺其實大部人好多時都執著於對錯，而忽略了所謂「錯」事背後既動機或原因。 而當我地能夠睇得到呢個原因，繼而講番呢個原因比對方聽，自然更能幫對方安撫情緒。 例如，你見到新番工既同事極度緊張，愈緊張愈亂，愈亂就愈錯。盲既都會知道，緊張係會愈易錯的。但呢個時候同佢講「你愈緊張咪愈會錯」「你唔好咁緊張啦」等等既說話，都只會令佢更緊張。如果我地望下背後既原因，的而且確，新番工怕做錯野，係會令人緊張既。佢既情緒背後原因係多麼的合理。「其實新番工怕做錯野係會令人好緊張既~」反而更能讓對方感到「被明白」。而「被明白」往往就係安撫情緒既良藥。 又例如，你有個朋友午夜來電，話佢CHECK男友電話CHECK到D 蛛絲馬跡，家下個心囉囉攣，同你講早知唔CHECK好過CHECK。好可能你個心都會話，一早叫你唔好睇架啦，但係如果我地能夠睇得到，「其實當你不安既時候係會好想睇男友電話既」，而同時講番比對方聽，可能就比較有效令對方覺得「被明白」，從而令對方覺得有支援。 可能你會問，咁即係對方做「錯」，我都要話佢冇錯？咁我地就要分清贊同一個行為同認同行為背後存在佢既原因既分別。我明白你新番工係會怕做錯野，唔等如我認為怕做錯事係最恰當或者有效。我明白不安既時候係會想CHECK男友電話，唔等如我認同CHECK電話係最「正確」同恰當。 其實要令人覺得「被明白」，好老土咁講，不外乎係一份同理心。當我地能夠真正去感受係對方既情緒/環境/資源下，我地好多時會發覺佢做既行為其實唔係冇原因；而掉轉我地做佢既角色既時候，亦可能會做番同一樣野。如果我地希望安撫到一個人，首先要能夠放低我地果份對與錯既執著。唔係唔痛陳利害，只係當一個人情緒到頂既時候，講一大堆對錯道理，其實根本唔會聽得入耳。當一個人情緒能夠定番落黎既時候先再慢慢睇咩可以做得好D，先達到事半功倍的效果。 知易行難，呢四式看似簡單，但其實要靈活運用，是個終身學習既過程，亦未必需要時時做到。只要當有身邊人甚或自己有情緒既時候，能記到少少，做到少少，或者已經係一個大不同。所以，下次身邊人有情緒既時候，不仿試下用下呢四式~~~ 試完記得話我知有咩困難同感覺啊~ #點解學校沒有情緒科 #安撫你愛人系列 #安撫人其實真係要學嫁 #心理學家既秘技 #對錯真係咁重要嗎 #你都係想對方好過點 #萬事皆有因 #只在乎你有冇慧眼 FOLLOW MY PAGE ON FACEBOOK: https://www.facebook.com/WhyEmotionIsNotASubject/
