除左「專心」同「總結」之外,再高階的、而又更有效去安撫身邊人的,就係反映對方當時既情緒。即係,嘗試下從對方講野的內容,去了解對方當下的感受,再講番出黎俾對方聽。呢一式,知易行難,特別係當你少留意情緒,就會發覺好多時都想直接幫人解決問題。 其實好多時候,旁人有情緒,果刻最需要的,未必係立刻解決問題既方法,而係情緒既安撫。更可況,我地諗到既解決方法,可能對方一早已經諗過,不過有自己既顧慮所以覺得行唔通。你既建議,係未安撫情緒下,只會令對方又係果句:「你唔明白我囉!」 有心理既研究做過,其實當其他人講到出我地既情緒既時候,無論係嬲又好,唔開心都好,係會即係熄左。唔單止係你既怒火熄左,係連腦素描情緒既部分都會被安撫而冇咁活躍。不過你可能會話:「人心有如海底針,點估啊大佬!?」。 但係奇就奇在你會發覺,就算你係情緒白痴,係咁估錯,人地嬲你當左人唔開心又好,緊張你當左嬲又好,係無相干的。因為只要你第一式,第二式做得好,對方感覺到你關心佢,佢自己會可以話番俾你聽佢最真確既感受,最終都係達到安撫對方的目的。 咁點做呢?其實講既野真係唔駛多,只要講番對方既情緒就可以。最好臨尾個音再高番少少,用問題既方式表達,咁就得架啦。 例: 宮女見皇后愁眉心鎖,就會嘗試道出佢情緒。「娘娘是因為皇上而不開心(問句式高音)?」。 皇后既回應可能是:「不,我是在擔心皇上…」 男朋友見女朋友數左佢公司既同事成餐晚飯,回應:「咁你都真係好嬲…」。 呢類既回應睇落容易,做落就會有難度,特別係要克制我地即刻想解決對方煩惱既心。如果你回應你女友:「咁你咁唔開心不如唔好做啦」/ 「你同你老板講啦」可能下一刻女友即刻嬲左。「我做到就唔駛而家咁辛苦啦!!!」 所以,下次身邊人有情緒既時候,不仿試下講下對方既情緒,可能會有意想不到既功效~~~試完記得話我知有咩困難同感覺啊~ #點解學校沒有情緒科 #安撫你愛人系列 #安撫人其實真係要學嫁 #心理學家既秘技 #好多時唔需即刻俾咁多意見既 #你的反映如何 #你的日子也必如何